شىمكەنت اكىمىنىڭ تۇرعىندارعا قولايلى جاعداي جاساۋ جونىندەگى تاپسىرماسىنا سايكەس، شالعاي ورنالاسقان ەلدىمەكەندەردىڭ ينفراقۇرىلىم ماسەلەسىن شەشۋ ماقساتىندا اۋقىمدى جۇمىستار جۇرگىزىلىپ جاتىر.

سونىڭ ءبىرى - اباي اۋدانى اۋماعىندا ورنالاسقان سولتۇستىك ساياجاي شاعىن اۋدانىندا قۇرىلىس جۇمىستارى اياقتالىپ، بيىل ساپالى اۋىز سۋمەن قامتىلماق. مەردىگەر مەكەمە «بەس قارا» ج ش س تاراپىنان قۇرىلىس جۇمىستارى 2020 جىلدىڭ قاراشا ايىندا باستالعان. جالپى ۇزىندىعى 151،8 شاقىرىمدى قۇرايتىن ىشكى ورامدىق اۋىز سۋ جۇيەسىنىڭ بۇگىندە 80 پايىزعا جۋىعى تارتىلدى.

قازىرگى ۋاقىتتا سولتۇستىك ساياجاي شاعىن اۋدانى تۇرعىندارى تاسىمالدى اۋىز سۋدى پايدالانادى. دەگەنمەن، مۇنداعى حالىقتىڭ ماسەلەسى بيىل شەشىمىن تابادى. قۇرىلىس جۇمىستارى تولىعىمەن جىل سوڭىنا دەيىن اياقتالىپ، 6 مىڭعا جۋىق وتباسى ساپالى اۋىز سۋمەن قامتىلادى.

سونىمەن قاتار، سولتۇستىك ساياجاي شاعىن اۋدانىن ساپالى ەلەكتر قۋاتىمەن قامتۋ قۇرىلىسى قارقىندى جۇرۋدە. تامىز ايىندا مەردىگەر مەكەمە «ەلەكترومونتاج» تاراپىنان قۇرىلىسى باستالعان. بۇگىنگە دەيىن 400 ەلەكتر باعانالارى ورناتىلىپ، جۇمىستىڭ 20 پايىزى اياقتالعان. دەگەنمەن، قۇرىلىس جۇمىسى كەلەر جىلعا وتپەلى.