«دونور بول! وزگەگە ءومىر سىيلا!». شىمكەنتتە ەل تاۋەلسىزدىگىنىڭ 30 جىلدىعىنا وراي وسىنداي اتاۋمەن ارنايى اكسيا ءوتتى. وعان جۇزگە جۋىق قالا جاستارى قاتىسىپ، يگى ىسكە ۇلەك قوستى. شارانى «جاستار رەسۋرستىق ورتالىعى» مەن شىمكەنت قالالىق قان ورتالىعى بىرلەسىپ ۇيىمداستىرعان.

دارىگەرلەر دونور بولىپ كەلگەن جاستارعا ءبىر تامشى قاننىڭ ءوزى وزگەنىڭ ءومىرىن ساقتاپ قالۋدا ماڭىزدى ەكەنىن ءتۇسىندىردى. قان تاپسىرۋ دەنساۋلىققا ەشقانداي دا كەرى اسەرى جوق ەكەنىن ايتتى. جالپى جىل وتكەن سايىن ەلىمىزدە دونورلار سانى دا ارتىپ كەلەدى ەكەن. ال، بۇگىنگى شارانىڭ باستى ماقساتى وزگە دە جاستار مەن قالا تۇرعىندارىن يگىلىكتى ءىس جاساۋعا شاقىرۋ ،دەيدى ۇيىمداستىرۋشىلار.

بۇل ءىس-شارا ءبىرىنشى ەمەس، ءۇشىنشى رەت ۇيىمداستىرىلىپ وتىر. ءبىر دونوردىڭ ءوزى ءۇش ادامنىڭ ءومىرىن ساقتاپ قالۋعا مۇمكىندىگى بار. سول سەبەپپەن وسى جاڭا وقۋ جىلىن وسىنداي قايىرىمدى ىسپەن باستادىق. بۇل جولى ءىس-شاراعا ستۋدەنتتەر عانا ەمەس، سونىمەن قاتار مادەنيەت، سپورت سالالارىنىع قىزمەتكەرلەرى مەن توتەنشەلىكتەر دە قاتىستى.

اتالمىش اكسياعا مادەنيەت ، سپورت، ۇستازدار قاۋىمى مەن رۋحاني جاڭعىرۋ ورتالىعىنىڭ ماماندارى،جوعارى جانە ورتا ارناۋلى وقۋ ورىندارىنىڭ ستۋدەنت جاستارى، ۆولونتەرلەر مەن بەلسەندى جاستار جالپى سانى 100-گە جۋىق ادام قاتىستى. ولاردىڭ اراسىندا العاش كەلگەندەرى دە بار. دارىگەرلەر قان تاپسىرۋعا نەيەتتىنىپ كەلگەن جاستاردىڭ دەنساۋلىعىن تەكسەرىپ سوسىن بارىپ ۇرىقسات بەردى. قالاداعى قان ورتالىعىندا زاماناۋ قۇرىلعىلار كەلۋشىنىڭ دونور بولۋعا جارامدى ەكەنىن ءاپ ساتتە تەكسەرىپ بەرەدى. جانە ول ادام دەنساۋلىعىنا ءقاۋىپسىز، دەيدى اق حالاتتىلار.

ايتا كەتەيىك، قان تاپسىرۋ شاراسى ءار ءۇش اي سايىن ءداستۇرلى تۇردە ءوتىپ تۇراتىن بولدى. جاستار وزگەلەردى دونور بولىپ ، وزگە جاندارعا ءومىر سىيلاۋعا شاقىردى.