شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان قاراتاۋ اۋداندىق جاستار ورتالىعىندا قالا جاستارىمەن ەركىن فورماتتا كەزدەسىپ، سۇحبات قۇردى. ءىس-شارا قالالىق «جاستار رەسۋرستىق ورتالىعى» كمم-نىڭ قاراتاۋ اۋداندىق بولىمشەسىنىڭ ۇيىمداستىرۋىمەن ءوتتى.

كەزدەسۋ بارىسىندا شىڭعىس جۇمابەك ۇلى ورتالىقتىڭ جۇمىس بارىسىمەن تانىسىپ، قالا جاستارىنىڭ وزەكتى ماسەلەلەرى مەن قىزىعۋشىلىقتارى جايىندا ەركىن فورماتتا سۇحبات جۇرگىزدى.

ءىس-شاراعا ءار سالانىڭ بەلسەندى ۇزدىكتەرى، قالامىزعا بەلگىلى جاس كاسىپكەر، جاس رەجيسسەر، ءمۇعالىم، كومپوزيتور، ديزاينەر، قولونەرشى، ءبيشى، جاس اقىن، جاس سۋرەتشى، ەرىكتىلەر، پىكىرسايىسشىلار، جالپى 20-عا جۋىق تالانتتى جاستار قاتىسىپ، بەلسەندىلىك تانىتتى.

كەزدەسۋ بارىسىندا قالا اكىمىنىڭ ءبىرىنشى ورىنباسارى جەكە ومىرىنەن قىزىقتى ساتتەرمەن ءبولىسىپ، ەڭبەك تاجىريبەسىن ايتىپ بەردى. بۇگىنگى جاستاردىڭ قىزىعۋشىلىقتارى جايىندا پىكىر الماسىپ، سۇراقتارعا جاۋاپ بەردى.

ەركىن فورماتتاعى مۇنداي جۇزدەسۋلەر اۋداندىق جاستار ورتالىقتارىندا تۇراقتى تۇردە وتەتىن بولادى.