شىمكەنتتە بيىل اۋىل شارۋاشىلىعى داقىلدارى 29،3 مىڭ گا جەرگە ەگىلدى. كورسەتكىش وتكەن جىلمەن سالىستىرعاندا 1،4 مىڭ گەكتارعا ارتىق.

ەگىن جيناۋ جۇمىستارىنا 791 بىرلىك اۋىل شارۋاشىلىعى تەحنيكاسى جۇمىلدىرىلدى، 7 جاڭا تراكتور ساتىپ الىندى. ونىڭ ىشىندە 3 دانا شەتەلدەن جانە 4 دانا وتاندىق تراكتور الىندى. ينۆەستيسيالىق سۋبسيديالاۋ باعدارلاماسىمەن 2 تەحنيكا سۋبسيديالاندى.

پاندەمياعا قاراماستان ديقانداردىڭ وراسان ەڭبەگىنىڭ ناتيجەسىندە شىمكەنتتە سەگىز ايدا 80 مىڭ توننا ءونىم جينالدى، ونىڭ ىشىندە ءداندى داقىلدار - 14،4 مىڭ توننا، مايلى داقىلدار – 3 مىڭ توننا، كوكونىس، باقشا - 42،7 مىڭ توننا، كارتوپ - 3،1 مىڭ توننا، مال ازىقتىق داقىلدار - 16،8 مىڭ توننا. بۇل جوسپاردىڭ 93،7 پايىزى ورىندالعانىن كورسەتەدى. بارلىق استىقتىڭ ساپاسى جوعارى جانە بارلىق تالاپتارعا ساي كەلەدى.

جينالعان ءونىمنىڭ كولەمى 28،5 ملرد. تەڭگەگە جەتتى. جىل سوڭىنا دەيىن 29،3 مىڭ گەكتار ەگىس القابىنان جالپى 85،4 مىڭ توننا ءونىم جينالسا، جالپى ءونىم كولەمى 37 ملرد. تەڭگەگە جەتەدى دەپ جوسپارلانىپ وتىر.