شىمكەنت قالاسىنىڭ توتەنشە جاعدايلار دەپارتامەنتى ق ر توتەنشە جاعدايلار ءمينيسترىنىڭ ۇيىمداستىرۋشىلىق نۇسقاۋلارىنا سايكەس، «جەر-2021» حالىقارالىق كوماندالىق-شتابتىق وقۋ-جاتتىعۋىنا قاتىسۋدا. وقۋ-جاتتىعۋ 2021 جىلدىڭ 21-22 قىركۇيەك ارالىعىندا الماتى وبلىسىندا وتەدى.
شىمكەنت قالاسىنىڭ توتەنشە جاعدايلار دەپارتامەنتى ق ر توتەنشە جاعدايلار ءمينيسترىنىڭ ۇيىمداستىرۋشىلىق نۇسقاۋلارىنا سايكەس، «جەر-2021» حالىقارالىق كوماندالىق-شتابتىق وقۋ-جاتتىعۋىنا قاتىسۋدا. وقۋ-جاتتىعۋ 2021 جىلدىڭ 21-22 قىركۇيەك ارالىعىندا الماتى وبلىسىندا وتەدى.
وقۋ-جاتتىعۋدىڭ نەگىزگى ماقساتى – توتەنشە جاعدايلاردىڭ الدىن الۋ جانە ولاردى جويۋ جونىندەگى ءىس-قيمىلدارعا ازاماتتىق قورعاۋدىڭ مەملەكەتتىك جۇيەسىن ودان ءارى جەتىلدىرۋ، سونداي-اق جويقىن جەر سىلكىنىسى تۋىنداعان كەزدە تج جويۋعا ازاماتتىق قورعاۋدىڭ باسقارۋ ورگاندارىن، كۇشتەرى مەن قۇرالدارىن دايىنداۋ.
حالىقارالىق دەڭگەيدە ءوتىپ جاتقان وقۋ-جاتتىعۋعا وزبەكستان، قىرعىزستان، ارمەنيا، رەسەي، بەلارۋس مەملەكەتتەرىنىڭ تج مينيسترىلىگى جانە تاجىكستان رەسپۋبليكاسىنىڭ تج كوميتەتى قاتىسۋدا. شىمكەنت قالاسىنىڭ تج دەپارتامەنتىنىڭ كۇش جانە قۇرالدارىن قالا اكىمىنىڭ ورىنباسارى م.ايمانبەتوۆ، دەپارتامەنت باستىعىنىڭ ورىنباسارى ازاماتتىق قورعاۋ پولكوۆنيگى امانبەك بەيسەمبايەۆ باسقارۋدا. شىمكەنت قالاسىنىڭ كۇش جانە قۇرالدارى الماتى وبلىسىنداعى «جارتاستى قالا-استانا» وقۋ – جاتتىعۋ پوليگونىندا الماتى قالاسىندا بولۋى مۇمكىن جەر سىلكىنىسى كەزىندە ءوزارا كومەك كورسەتۋ ىس-ارەكەتتەرىن پىسىقتايدى.
وقۋ-جاتتىعۋ وتكىزۋ ورنىندا جەدەل شتاب قۇرىلىپ، جويقىن جەر سىلكىنىسى قاتەرى جانە تۋىنداۋى كەزىندە دەن قويۋ، توتەنشە جاعدايلاردىڭ الدىن الۋ جانە ولاردى جويۋ كەزىندە ازاماتتىق قورعاۋدىڭ باعىنىستى كۇشتەرى مەن قۇرالدارى ءىس-قيمىلدارىنىڭ ۇيلەسىمدىگى مەن ءوزارا ءىس-قيمىلدى جەتىلدىرۋى ناقتىلانادى.
پىكىر قالدىرۋ