شىمكەنت قالاسىندا تىرەك-قيمىل اپپاراتى زاقىمدانعان جانە كورۋ قابىلەتى ناشار سپورتشىلار اراسىندا ەلىمىزدىڭ VI سپارتاكياداسى باستالدى. جارىس پاراليمپيادالىق ەمەس 5 سپورت تۇرىنەن – دويبى، شاحمات، توعىزقۇمالاق، كاراتە جانە اربادا بيلەۋ سىندى باعدارلاما بويىنشا وتەدى. سايىسقا ەلىمىزدىڭ بارلىق وڭىرىنەن 300-دەن استام سپورتشى قاتىسادى.

شىمكەنت قالاسى اكىمىنىڭ ورىنباسارى ماقسۇت يساحوۆ سايىستىڭ اشىلۋ راسىمىنە قاتىسىپ، سپورتشىلارعا ساتتىلىك تىلەدى.

جارىس 21-25 قىركۇيەك ارالىعىنا جوسپارلانعان. تارتىستى باسەكەلەر «كورمە» ورتالىعى مەن شىمكەنت قالالىق كەشەندى جوعارى سپورت شەبەرلىگى مەكتەبىندە وتەدى.

21 قىركۇيەك كۇنى بارلىق سپورت ءتۇرى بويىنشا ىرىكتەۋ باسەكەلەرى باستاۋ الدى. جەڭىمپازدار مەن جۇلدەگەرلەر 25 قىركۇيەك كۇنى انىقتالادى.