شىمكەنت قالاسىندا وسى جىلدىڭ قاڭتار-تامىز ايلارىندا نەگىزگى كاپيتالعا سالىنعان ينۆەستيسيالار كولەمى 201،1 ملرد تەڭگەنى قۇراپ، 32،5 پايىزعا ارتتى. ونىڭ ىشىندە مەملەكەتتىك بيۋدجەتتەن 57،5 ملرد. تەڭگە، جەكە كوزدەردەن 143،6 ملرد.تەڭگە ينۆەستيسيا تارتىلعان.

وتكەن جىلدىڭ ءتيىستى كەزەڭىندە بۇل كورسەتكىش 147،9 ملرد. تەڭگەنى قۇراسا، جەكەمەنشىك ينۆەستيسيانىڭ ۇلەسى 56 پايىز شاماسىندا بولاتىن. ينۆەستورلار ونەركاسىپ جوبالارىمەن قوسا، تۇرعىن ءۇي قۇرىلىسى، اۋىلشارۋاشىلىعى، بايلانىس، مەديسينا، ءبىلىم، سپورت، كولىك قاتىناسى، تاعى باسقا ەكونوميكا سەكتورلارىنا قارجى باعىتتاۋدا.

قالادا جىل باسىنان بەرى ينۆەستيسيا قۇنى 12،6 ملرد. تەڭگەنى قۇرايتىن 5 جوبا «وڭتۇستىك»، «تاسساي» يندۋستريالدى ايماقتارى مەن وڭتۇستىك» ارنايى ەكونوميكالىق ايماعىندا اشىلعان. ناتيجەسىندە جاڭادان 200-دەن استام جۇمىس ورنى اشىلعان.