سىرتقى ىستەر مينيسترلىگى قازاقستاننىڭ ۆاكسينا پاسپورتىمەن كارانتيندىك شەكتەۋلەرسىز قاي ەلدەرگە كىرۋگە بولاتىنىن حابارلادى.  

"گرۋزيا، قىرعىزستان، ماجارستان، مولدوۆا، موڭعوليا، تايلاند، جانە تۇركيانىڭ ۋاكىلەتتى ورگاندارىمەن ۆاكسينالاۋ پاسپورتتارىن ءوزارا تانۋ جۇمىستارىن جۇرگىزدى.

وسىلايشا كوروناۆيرۋستىق ينفەكسياعا قارسى ۆاكسينالاۋدىڭ تولىق كۋرسىنان وتكەن قازاقستان جانە جوعارىدا اتالعان ەلدەردىڭ ازاماتتارى COVID-19-گە قارسى ۆاكسينالاۋ پاسپورتتارى نەگىزىندە مەملەكەتتىك شەكارالاردى كارانتيندىك شەكتەۋلەرسىز (پتر تەست تاپسىرۋ، ءوزىن-وزى وقشالاۋ جانە ت.ب.) كەسىپ وتە الادى" دەلىنگەن حابارلامادا. 

سونىمەن قاتار بەلارۋس، ۆەتنام، مىسىر جانە ومان سياقتى ەلدەر شەتەلدىك مەملەكەتتەر تۋريستەرگە كىرۋدى جەڭىلدەتتى. تەك شەقارالىق وتكىزۋ پۋنكتتەرىندە COVID-19-گە قارسى ۆاكسينالاۋدى راستايتىن قۇجاتتى ۇسىنۋ جەتكىلىكتى.

ال ارگەنتينا، ارمەنيا، ازەربايجان، يوردانيا، يندونەزيا، ماروككو، وزبەكستان، رەسەي، فيليپپيندەر جانە ت.ب. مەملەكەتتەرمەن COVID-19-گە قارسى ۆاكسينالاۋ پاسپورتتارىن ءوزارا تانۋ بويىنشا كەلىسسوزدەر جۇرگىزىلىپ جاتىر.