شىمكەنت قالالىق ءدىن ىستەرى باسقارماسىنىڭ ۇيىمداستىرۋىمەن «حالىقتار دوستىعى» ۋنيۆەرسيتەتىنىڭ ءماجىلىس زالىندا «تۇزەۋ مەكەمەلەرىندەگى قىزمەتكەرلەرىنىڭ ءدىني بىلىكتىلىگىن ارتتىرۋ» تاقىرىبىندا سەمينار ءوتتى.

وعان ءدىن ىستەرى باسقارماسىنىڭ وكىلدەرى، تۇزەۋ مەكەمەسىنىڭ قىزمەتكەرلەرى، تەولوگتار، رەسپۋبليكالىق جانە جەرگىلىكتى اقپاراتتىق ناسيحات توبىنىڭ مۇشەلەرى قاتىستى.

ءدىن ىستەرى باسقارماسىنىڭ ءبولىم باسشىسى باحىت تولەمىسوۆتىڭ ايتۋىنشا، سەميناردىڭ باستى ماقساتى ءدىني كەرەعار اعىمنىڭ جەتەگىنە ىلەسكەن جازاسىن تۇزەۋ مەكەمەسىندە وتەپ جاتقان ازاماتتاردىڭ ءدىني كوزقاراسىن، ۇستانىمىن وزگەرتۋ، زايىرلى قوعامعا قايتا ورالۋىنا ىقپال جاساۋ ءۇشىن تۇزەۋ مەكەمەسىندەگى قىزمەتكەرلەردى ءدىني ءبىلىم تۇرعىسىنان قارۋلاندىرۋ. يچ 167/11 تەرگەۋ يزولياتورى جەدەل ءبولىمىنىڭ جەدەل ۋاكىلى ادىلەت اعا لەيتەنانتى حاميت ەسكەندىروۆتىڭ مالىمدەۋىنشە، قالادا 23 ازامات ءدىني تەرىس اعىمعا ەرىپ، قوعام قاۋىپسىزدىگىنە قاتەر توندىرگەنى ءۇشىن وقشاۋلاۋ كامەرالارىندا جازاسىن وتەپ جاتىر.

ولاردىڭ بارلىعى دا ق ر قىلمىستىق كودەكسىنىڭ 174-256 باپتارى بويىنشا ەكسترەميزم، تەرروريزم ىس-ارەكەتتەرىنە باردى دەگەن كۇدىكپەن سوت ۇكىمىمەن ايىپتى دەپ تانىلىپ، تۇرمەگە قامالعاندار. ق ر قىلمىستىق كودەكسىنىڭ 174 بابى ۇلتارالىق، ءدىنارالىق الاۋىزدىقتى قوزدىرۋ بويىنشا ايىپ تاعۋدى كوزدەسە، 256 باپتا الەۋمەتتىك جەلىلەردە ءدىني تەرىس اعىمداردى ناسيحاتتاعانى ءۇشىن جازا تاعايىندالادى.

سەميناردى ەلىمىزگە بەلگىلى تەولوگ، رەسپۋبليكالىق اقپاراتتىق ناسيحات توبىنىڭ مۇشەلەرى داستان جەلەۋوۆ پەن نۇرسۇلتان مامەدالييەۆ جۇرگىزىپ وتىردى. جيىن سوڭىندا بارلىق قاتىسۋشىلارعا ارنايى سەرتيفيكاتتار تابىستالدى.