شىمكەنت قالاسى پوليسيا دەپارتامەنتى جپقب پاترۋلدىك پوليسيا پولكىنىڭ «جاڭا شاحار» ستاسيونارلىق پوليسيا بەكەتىنە جەرگىلىكتى تۇرعىن كومەك سۇراپ كەلگەن.
تۇرعىننىڭ ايتۋىنشا كوپقاباتتى تۇرعىن ءۇيدىڭ بەسىنشى قاباتىنان بەلگىسىز ءجاسوسپىرىمنىڭ وز-وزىنە قول جۇمساماق بولىپ، شاتىردا وتىرعانىن كورگەن. اتالعان جايت اعىمداعى جىلدىڭ 28-قىركۇيەك كۇنى ساعات 13:20 شاماسىندا ورىن العان.
بۇل جاعدايعا بەي-جاي قاراماعان ءتارتىپ ساقشىلارى دەر كەزىندە وقيعا ورنىنا جەتىپ، شاتىردا وتىرعان ءجاسوسپىرىمدى سوزگە تارتىپ، قاۋىپسىزدىك شارالارىن جۇزەگە اسىردى. وسى وقيعا پوليسەيدىڭ بەينەجەتونىنا جازىلعان.
سونداي-اق پوليسەيلەر ءجاسوسپىرىمنىڭ ءومىرىن ساقتاپ قالۋمەن قاتار، دارىگەرلەر مەن پسيحولوگتى شاقىرتىپ، قاجەتتى شارالاردى قابىلدادى.
جەدەل ىس-ارەكەتتىڭ ناتيجەسىندە، ءجاسوسپىرىمنىڭ ءومىرىن اراشالاپ قالعان پوليسيا قىزمەتكەرلەرىنە ءجاسوسپىرىمنىڭ اتا-اناسى جانە جەرگىلىكتى تۇرعىندار العىستارىن ءبىلدىردى.
