ءال-فارابي اۋدانى پروكۋراتۋراسىنىڭ باستاماسى نەگىزىندە «ءۇش بۋىندى مودەل كونسەپسياسى: پوليسيا، پروكۋراتۋرا، سوت» تاقىرىبىندا، شىمكەنت قالاسى پروكۋرورىنىڭ ورىنباسارى ە. مارات، ءال-فارابي اۋدانىنىڭ پروكۋرورى ق. حانديللايەۆتىڭ، پوليسيا وكىلىنىڭ، ادۆوكاتتىڭ جانە زاڭگەرلەردىڭ قاتىسۋىمەن كەزدەسۋ ۇيىمداستىرىلدى.

1 قاڭتاردان باستاپ قپك-كە ەنگىزىلگەن وزگەرىستەرگە سايكەس، ەندى پروكۋروردىڭ قىلمىستىق قۋدالاۋ وربيتاسىنداعى ءرولى اسا ماڭىزدى بۋىنعا اينالدى. پوليسيا ورگانىمەن تۇلعاعا قاتىستى قابىلدانعان شەشىمدەر پروكۋروردىڭ كەلىسىمىنسىز زاڭدى كۇشى بولمايدى، دەمەك پروكۋروردىڭ جاۋاپكەرىشىلىگى ارتادى، حالىقتىڭ پروكۋرورعا دەگەن سەنىمى كۇشەيەدى جانە ەڭ باستىسى قىلمىستىق قۋدالاۋ وربيتاسىنا زاڭسىز تارتىلعاندار سانى ازايادى» – دەپ ءسوز تارقاتتى.

اۋدان پروكۋرورى ق. حانديللايەۆ: «ءال-فارابي اۋدانىندا قىلمىستىق پروسەستى سيفرلاندىرۋ جۇمىسى قارقىندى جۇزەگە اسىرىلۋدا.بۇل جاڭاشىلدىق ازاماتتاردىڭ قۇقىعىن قورعاۋ كەزىندە وتە ءتيىمدى قۇرال.

2018 جىلدان باستاپ باس پروكۋراتۋرا ەلەكتروندىق قىلمىستىق ءىستى ەنگىزۋدە. ءقازىردىڭ وزىندە اۋداندا تىركەلگەن ىستەردىڭ 58،2%-ى سيفرلىق تۇردە تەرگەلەدى.دەمەك ەلەكتروندىق جۇيەدە مانيپۋلياسيا جاساۋ جانە بۇرمالاۋ مۇمكىن ەمەس.

بۇگىنگى كۇنى ەنگىزىلگەن جاڭا مودەلگە سايكەس قىلمىستىق ىستەر بويىنشا پروكۋرورلار كۇدىكتى دەپ تانۋدىڭ 621، تۇلعانىڭ ارەكەتىن سارالاۋدىڭ 532، ءىستى قايتا سارالاۋدىڭ 512، مەرزىمىن ءۇزۋدىڭ 1346 جانە وندىرىستەن توقتاتۋدىڭ 980 پروسەستىك شەشىمىن زەردەلەگەن.