مەملەكەت باسشىسى بيىلعى جولداۋىندا الاياقتىق پەن قارجى پيراميدالارىنىڭ كوبەيگەندىگىن اتاپ، ولاردىڭ زاڭسىز ارەكەتىنەن زارداپ شەككەندەر جونىندە ماسەلەنى قوزعاعان بولاتىن.

وسىعان وراي شىمكەنت قالاسى پروكۋرورىنىڭ ورىنباسارى ەرجان مارات جانە قالالىق پوليسيا دەپارتامەنتى باسشىسىنىڭ ورىنباسارى سەرىك ەرگەشيەۆتىڭ قاتىسۋىمەن باسپا ءسوز بريفينگى ءوتتى. باسقوسۋدا قالا اۋماعىنداعى الاياقتىق تۇرلەرى مەن ونىڭ الدىن الۋ شارالارى تۋرالى باياندالدى.

بيىلعى جىلدىڭ 8 ايىندا قالا اۋماعىندا جالپى 8 200-دەن استام قىلمىس وقيعالارى ورىن العان. ونىڭ 32 پايىزى نەمەسە 2 600-دەن استامى الاياقتىق قىلمىستارىن قۇرايدى. ول بىلتىرعى جىلمەن سالىستىرعاندا 25 پروسەنتكە وسكەن.

الاياقتىق قىلمىستارنىڭ كوپ كەزدەسەتىن تۇرلەرى: ول-سەنىمىنە كىرۋ ارقىلى الداۋ – 1 300-دەن استام (جابىرلەنۋشىمەن جۇزدەسۋ ارقىلى الداۋ: گاز قۇبىرىن ورناتىپ بەرۋ، مەملەكەت تاراپىنان بولىنەتىن الەۋمەتتىك كومەكتى الىپ بەرۋ، جەردى زاڭداستىرۋعا قۇجاتتاردى ازىرلەۋ، كولىكتى جوندەۋ، كولىكتەرىن ساتىپ بەرۋ نەمەسە ساتىپ الۋ جونىندە الداۋ، ۇيالى تەلەفونمەن حابارلاسىپ الايىن دەپ الىپ كەتۋ (داي پوزۆونيت)، جيھاز ازىرلەپ بەرۋ، قۇجاتتاردى دايىنداپ بەرۋ جانە ت.ب.).

ءوز كەزەگىندە الاياقتىق قىلمىستارىنىڭ كوپشىلىگىندە جابىرلەنۋشىلەر اقشالاي قاراجاتتارىن وزدەرىنە از تانىس ادامدارعا بەرەدى. نەمەسە ينتەرنەت جەلىلەرىندەگى الاياقتاردىڭ قۇربانى بولىپ جاتادى. كورسەتىلگەن قىلمىستار بويىنشا جابىرلەنۋشىلەردىڭ كوپشىلىك پايىزى تىعىرىققا تىرەلگەندەر بولسا، ەكىنشى جاعدايدا وڭاي جولمەن ماسەلەلەرىن شەشۋ جولدارىن ىزدەيتىندەر. ءۇشىنشى جاعدايدا ساۋاتتىلىقتىڭ تومەندىگى، ياعني زاڭ تالاپتارىن بىلمەۋدىڭ سالدارى»،- دەيدى ماماندار. سونىمەن قاتار قالادا الاياقتىقپەن ۇقساس كەلەتىن قارجى پيراميداسى دا شارىقتاپ كەلەدى. بۇل قىلمىستىڭ ءتۇرى وتكەن جىلمەن سالىستىرعاندا 78 پايىزعا ارتقان.

سەرىك ەرگەشيەۆ، شىمكەنت قالالىق پوليسيا دەپارتامەنتى باسشىسىنىڭ ورىنباسارى
- سىزدەردى كەز كەلگەن وڭاي اقشا تابۋ جارنامالارىنا الدانباۋدى، قۇقىقتىق ءبىلىمىڭىزدى كوتەرۋدى نەمەسە تۇسىنىكسىز جاعدايدا قۇقىق قورعاۋ ورگاندارىنا حابارلاسۋ ارقىلى تەكسەرۋدى جانە بارلىقجارنامالارعا كۇمانمەن قاراۋعا شاقىرامىن.

ەلىمىزدە قارجىلىق پيراميدالار قىزمەتىنە قاتاڭ تىيىم سالىنعان. ولار تەز اشىلىپ، حابار قۇقىق قورعاۋ ورگاندارىنا جەتكەنشە جابىلىپ ۇلگەرۋدە. وسىلايشا الاياقتار ەل ازاماتتارىنىڭ قالتاسىن قاعىپ، حالىقتى قان قاقساتىپ ءجۇر.