بۇۇ – اقش پرەزيدەنتى باراك وباما مەن رەسەي باسشىسى ۆلاديمير پۋتين كەشەگى ەكى جاقتى كەزدەسۋدە سيريا مەن قيىر شىعىس مەملەكەتتەرىندەگى قاقتىعىستاردى شەشۋ ماسەلەسى جونىندە وزىندىك كەرەعار كوزقاراستارىمەن ءبولىستى. الايدا، بۇل جولى دا ەكى قوشقاردىڭ باسى ءبىر قازانعا سىيمادى. ەكى جاقتى ماسەلەنىڭ شەشىمىن بىرگە تابۋدى كوزدەگەنىمەن، اتالمىش ايماقتاعى كەلەڭسىزدىكتەرگە ەكى ەل ءبىرىن-بىرى ايىپتامەن ۋاقىت وتكىزدى. بۇل تۋرالى «قامشى» پورتالى «The Washington post» باسىلىمىنا سىلتەمە جاساي وتىرىپ حابارلايدى.
«رەسەيدىڭ ماقساتى ISIL-گە بارىپ، ونداعى ۇكىمەتتى قولداۋ» - دەدى شەنەۋنىك. اكىمشىلىك وكىلدەرى رەسەيدىڭ بۇل قادامى سيرياداعى بۇلىكشىلەردى تىنىشتاندىرۋعا ەمەس، كەرىسىنشە، اسادتىڭ وپپونەنتتەرىنە قارسى كۇرەسىنىڭ كۇشەيۋىنە الىپ كەلۋى بەك-مۇمكىن دەپ، مازاسىزدىق تانىتتى.
وباما سويلەگەن سوزىندە رەسەيدىڭ سيرياعا اسكەري كۇش-قۋات باعىتتاپ، سونىمەن قاتار ۋكرايندىقتارعا قولداۋ كورسەتۋىن ۇسىندى. «ءبىز مۇنداي قادامعا قاقتىعىستاردى باسۋ ءۇشىن بارۋعا مىندەتتى ەكەنىمىزدى جانە مۇنىڭ تەرروريزمدى جويىپ، مەملەكەتتىڭ ىشكى ىستەرىنە شەتەلدىك جاقتاردىڭ ارالاسۋىن توقتاتۋدىڭ جالعىز عانا جولى ەكەنىن ايتقان بولاتىنبىز».
«مەن بۇگىن سىزدەردىڭ الدارىڭىزدا تۇرىپ، ءبىزدىڭ، بۇكىل الەم حالىقتارىنىڭ، قاقتىعىستاردى جويۋ جولىندا زورلىققا تولى ىس-ارەكەتتەرى مەن ەسكى ادىستەرگە ورالمايتىندىعىمىزعا سەنگىم كەلەدى. ءبىز وتكەنگە ورالا المايمىز! ەگەر ءبىز بىرىگىپ جۇمىس ىستەي الماساق، سالدارىنان ءوزىمىز قينالامىز». پۋتين، ءوز كەزەگىندە، باتىس ەلدەرىنىڭ يراك پەن ليۆياعا دەموكراتيانى تاڭۋىنىڭ سالدارى قيىر شىعىس پەن سولتۇستىك افريكاداعى توڭكەرىستەرگە الىپ كەلگەنىن ايتتى. اتالمىش ايماقتارداعى حالىق يگى وزگەرىستەردى قالاعانىمەن، «دەموكراتيالىق تريۋمفتىڭ» ورنىنا «زورلىق-زومبىلىق پەن الەۋمەتتىك اپاتقا» تاپ بولعانىن مالىمدەدى.
بۇۇ-نىڭ باس اسسامبلەياسىندا ءار كوشباسشى جاھاندىق تۇراقتىلىققا قاجەت ءارى حالىقارالىق نورمالارعا ساي سىرتقى ساياساتتى ۇستاناتىندىعىمەن ءبولىستى. كەيىنىرەك، سول كۇنى ەكى ەل باسشىسى ءوزارا كەلىسپەۋشىلىكتەرىن تالقىعا سالۋ ءارى سەرىكتەستىكتىڭ مۇمكىندىكتەرىن قاراستىرۋ ماقساتىمەن تاعى دا كەزدەسكەن بولاتىن. جابىق سەسسيا ءبىر جارىم ساعاتتان اسا ۋاقىتقا سوزىلدى. كەيىننەن، وبامانىڭ ارنايى جوسپارلانعان دەلەگاتتاردى قابىلداۋ شاراسى ورىن الدى. سونىمەن قاتار، اقش پرەزيدەنتى دۇيسەنبى كۇنى ينديا پرەمەر-مينيسترى نارەندرا موديمەن جانە سەيسەنبى كۇنى قازاقستان پرەزيدەنتى نۇرسۇلتان نازاربايەۆپەن كەزدەسەتىنىن مالىمدەدى.
ال، ۆلاديمير پۋتين سەسسيادان كەيىن ماسكەۋگە اتتاندى. رەسەيلىك جۋرناليستەرگە بەرگەن قىسقاشا سۇحباتىندا ول ەكى ەل اراسىنداعى قارىم-قاتىناستىڭ «وكىنىشكە وراي، وتە تومەن دەڭگەيدە» ەكەنىن ايتتى. اقش-تىڭ قاراما-قايشى كوزقاراستارىنا بايلانىستى «ءبىزدىڭ جۇمىسىمىز، ەڭ بولماعاندا، ەكى جاقتى نەگىز رەتىندە كۇشەيۋى كەرەك دەگەن شەشىمگە كەلدىك. ەندىگى كەزەكتە، ءتيىستى مەحانيزمدى بىرگە قۇرۋدى جوسپارلاپ وتىرمىز»، - دەدى پۋتين مىرزا.
نازگۇل نازار
پىكىر قالدىرۋ