شىمكەنتتە ءبىلىم باسقارماسىنىڭ مامانى مەن №96 مەكتەپتىڭ بۇرىنعى ديرەكتورى الاياقتىق جاسادى دەگەن ايىپپەن سوتتالدى. ولار مۇعالىمدەردىڭ تەستتەن سۇرىنبەي وتكەنىن كورسەتەتىن سەرتيفيكات پەن كۋالىكتەردى قولدان جاساپ، ساۋداعا سالعان. بۇل تۋرالى حابار 24 ارناسى حابارلادى.
ۇستالعاندار بۇل ىسپەن 2018 جىلدان باستاپ اينالىسىپ كەلگەن. جالعان انىقتامانى 340 پەداگوگتىڭ العانى بەلگىلى بولدى. ولارعا بىلىكتىلىگىن ارتتىرعانى ءۇشىن ۇستەماقى تولەنگەن. ۇستازداردىڭ باسىم بولىگى سوتقا دەيىن بيۋدجەتتەن زاڭسىز الىپ كەلگەن قارجىنى قايتارعان. بۇل سوما 210 ميلليون تەڭگەنى قۇراعان.
سونىمەن قاتار سوتتا مەكتەپ ديرەكتورى ءوز قىزمەتكەرلەرىن پارا بەرۋگە يتەرمەلەگەنى انىقتالىپ، ول 7 جارىم جىلعا باس بوستاندىعىنان ايىرىلدى. ال ءبىلىم باسقارماسىنىڭ مامانى 4 جىل مەرزىمگە سوتتالدى.
پىكىر قالدىرۋ