بىرىككەن ورىس-سەپاراتيستىك قارۋلى كۇشتەرى ۋكرايندىق اسكەر ورنالاسقان پوزيسياعا ءبىر تۇندە بەس رەت شابۋىل جاسادى دەپ مالىمدەدى بۇگىن انتيتەررورلىق وپەراسيا (اتو) باسپا ءسوز ورتالىعى فەيسبۋكتەگى پاراقشاسىندا.

وتكەن ءتۇنى بۇلىكشىلەر ارتەموۆسك قالاسىنان تىسقارى ورنالاسقان زايسيەۆو سەلوسىندا نىعايتىلعان پوزيسيادا تۇرعان ۋكرايندىق اسكەرگە گرانومەتتەر مەن اۋىر پۋلەمەتتەردەن وق جاۋدىرعان. بۇل تۋرالى«قامشى» پورتالى unian.info-عا سىلتەمە جاساي وتىرىپ حابارلايدى.

«ونىمەن قويماي، رەسەيلىك بۇلىكشىلەر مۇنداي ىس-ارەكەتتەرىن كييەۆ ۋاقىتىمەن ساعات 20.00-دە تراۆنيەۆيي سەلوسى ايماعىندا تاعى قايتالادى. ال، كييەۆتىك ۋاقىتپەن 22:50-دە ولار مايورسك سەلوسىنداعى ءبىزدىڭ بولىمشەلەرگە ءىرى كاليبرلى پۋلەمەتتەر مەن گراناتومەتتاردان اتا باستادى»، - دەلىنگەن، باسپا ءسوز ورتالىعىنىڭ بايانداماسىندا.

كييەۆتىك ۋاقىتپەن 20:25-تە وككۋپانتتار لۋگانسك وبلىسىنداعى ەسكى ايدار سەلوسىندا اتو كۇشتەرىنە اتقىشتار قارۋ-جاراعىنان وق جاۋدىرا باستاعان.

نازگۇل نازار