ءبىزدىڭ لاۋازىمدى شەنەۋنىكتەردىڭ ار-ۇياتتارى ويانا باستادى. بۇل قوعامدىق باقىلاۋ مەن الەۋمەتتىك سىن پىكىرلەردىڭ جەمىسىن بەرگەندىگىن كورسەتەدى. كوپشىلىك ورتادا ءتارتىپ بۇزعان جاستاردىڭ وعاش ارەكەتتەرىن، ياعني، توبەلەس شىعارعان، جول ەرەجەسىن بەلدەن باسىپ، كوشەدە شوۋ كورسەتكەن بالالارىنىڭ جونسىزدىگىن الەۋمەتتىك جەلىدە حالىق جاپپاي سوگىپ، سىنعا العان سوڭ الگى بۇزاقىلاردىڭ اكەلەرى قىزمەتتەرىنەن كەتىپ جاتىر. "كوپ قورقىتادى، تەرەڭ باتىرادى" دەگەن وسى. رەسمي بيلىكتىڭ حالىقپەن ساناسۋعا كوشكەندىگىنىڭ العاشقى يگى قادامى وسىلايشا ازداپ بولسا دا جەمىسىن بەرىپ جاتىر. قوعامداعى ءتۇرلى بىلىق-شىلىقتى، جەمقورلىقتى، بىلىكسىزدىكتى وسىلايشا اشكەرەلەپ، جونگە سالۋدى ۇدايى قولعا الساق، تازارامىز، ساۋىعامىز، ادىلەتتىك ورناتامىز، قارىشتاپ داميمىز.

قۋاندىق شاماحاي ۇلى،  Facebook  پاراقشاسىنان