ماڭعىستاۋ وبلىسىندا وقۋ-جاتتىعۋ پوليگونىن جوسپارلى تازالاۋ كەزىندە بەس اسكەري قىزمەتكەر جاراقاتتاندى. بۇل تۋرالى قورعانىس مينيسترلىگىنىڭ باسپا ءسوز قىزمەتى حابارلادى.
توتەنشە جاعداي 2021 جىلعى 27 قازاندا بولعان.
"ماڭعىستاۋ وبلىسىنداعى وقۋ-جاتتىعۋ پوليگونىن جوسپارلى تازالاۋ بارىسىندا بەس اسكەري قىزمەتكەر جاراقات الدى. ولارعا قاجەتتى مەديسينالىق كومەك كورسەتىلدى. دارىگەرلەر اسكەري قىزمەتكەرلەردىڭ جاعدايىن قاناعاتتانارلىق دەپ باعالاۋدا" دەلىنگەن حابارلامادا.
مينيسترلىك مالىمەتىنشە، دەرەك بويىنشا تەكسەرۋ باستالعان.
