شىمكەنت قالاسىندا مەملەكەت باسشىسى ق.توقايەۆتىڭ «حالىق ۇنىنە قۇلاق اساتىن مەملەكەت» تۇجىرىمداسى اياسىندا «حالىق قاتىساتىن بيۋدجەت» جوباسى جۇزەگە اسىرىلۋدا.

ەڭبەكشى اۋدانىندا وسى جوبا شەڭبەرىندە 56 كوپقاباتتى ءۇيدىڭ اۋلاسىن جاڭارتۋعا بيۋدجەتتەن قارجى ءبولىنىپ، ءقازىر 24 كوپقاباتتى ءۇيدىڭ اۋلاسى اباتتاندى. قالعان 32 ءۇيدىڭ اۋلاسىندا بۇگىندە اباتتاندىرۋ جۇمىسى جۇرگىزىلۋدە.

ەل تاۋەلسىزدىگىنىڭ 30 جىلدىعى قارساڭىندا اۋدانداعى ش.ۋاليحانوۆ كوشەسىندەگى №225، 225ا، 227، 227ا كوپقاباتتى ۇيلەردىڭ اۋلاسىنداعى بالالار ويىن الاڭشاسى مەن ترەناجەر، ستريت-ۆوركاۋت الاڭشالارى پايدالانۋعا بەرىلدى. الاڭشالاردىڭ اشىلۋىنا قالا اكىمىنىڭ ورىنباسارى ماقسۇت يساحوۆ قاتىسىپ، تۇرعىنداردىڭ قۋانىشىنا سەرىك بولدى.

اۋدان تۇرعىندارىنا جايلى ورتا قالىپتاستىرۋ ءۇشىن «Build stroy» مەردىگەر مەكەمەسىنىڭ دەمەۋشىلىگىمەن «عاجايىپ ب ا ق» دەمالىس ورنى مەن باقشا قۇرىلدى. وندا بالالارعا گۇل، اعاش، باسقادا كوشەتتەر وتىرعىزىپ، تالىم-تاربيەلىك باعىتتا ەڭبەككە باۋلۋ كوزدەلگەن.

اۋدان اكىمدىگىنىڭ مالىمەتىنشە، 2022 جىل اباتتاندىرۋ جۇمىسى «حالىق قاتىساتىن بيۋدجەت» جوباسى شەڭبەرىندە جۇزەگە اسىرىلادى.