شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ە.جولداسوۆ 2021 جىلدىڭ 9 ايىندا اتقارىلعان ءجۇمىستار بويىنشا ەسەپ بەردى.

باسقارما باسشىسىنىڭ ايتۋىنشا، 2021 جىلى قالادا جالپى 180 نىسان نەمەسە 310،3 شاقىرىم جولدار مەن كوشەلەر قۇرىلىس-جوندەۋ جۇمىستارىمەن قامتىلعان.
قالادا 3 اۋدان بويىنشا كۇردەلى جوندەۋ جۇمىستارى اياقتالدى. اباي اۋدانى بويىنشا 17 نىسان (9،1 شاقىرىم)، ەڭبەكشى اۋدانى بويىنشا 17 نىسان (6،0 شاقىرىم)، قاراتاۋ اۋدانى بويىنشا 20 نىساننىڭ (15،4 شاقىرىم) قۇرىلىسى تولىق ورىندالدى. قاراتاۋ اۋدانىندا 3 كوشەدە كارىز جۇيەسى جۇرگىزىلۋىنە بايلانىستى قازىرگى تاڭدا اسفالت سالۋ جۇمىستارى اتقارىلۋدا.

سونداي-اق، بۇگىندە 21،9 شاقىرىم ماگيسترالدى كوشەلەردە، 180،4 شاقىرىم 151 ىشكى ورام كوشەلەردە ورتاشا جوندەۋ جۇمىستارى جۇرگىزىلۋدە. اتاپ ايتقاندا، رەسپۋبليكا داڭعىلى، رىسقۇلوۆ، يليايەۆ، مومىش ۇلى. تاشەنوۆ، اقنازار حان، كلارا سەتكين كوشەلەرىندە ورتاشا جوندەۋ جۇمىستارى قارقىن العان.

سونىمەن قاتار، 147،6 شاقىرىم توپىراق جولعا شاعال تاس توسەلدى№

شىمكەنت قالاسىندا 147،6 شاقىرىم توپىراق جولعا شاعال تاس توسەۋ جۇمىستارى اياقتالدى. 1 جەلتوسقانعا دەيىن تاعى 90،0 شاقىرىمعا شاعال تاس توسەلەدى. جىلدىق جوسپار 237،6 شاقىرىم بولىپ بەلگىگەنگەن بولاتىن.

اتاپ ايتقاندا، اباي، ءال-فارابي اۋداندارى بويىنشا 144 كوشە (52،7 شاقىرىم)، ەڭبەكشى، قاراتاۋ اۋداندارى بويىنشا 133 كوشەدە (94،9 شاقىرىم) توپىراق جولدارعا تاس توسەۋ جۇمىستارى تولىق ورىندالدى.

تالداۋ جۇمىستارى بارىسىندا تاعى 90 شاقىرىم توپىراق كوشەلەرگە تاس توسەۋ قاجەتتىلىگى تۋىندادى. قازىرگى ۋاقىتتا قاراتاۋ، ەڭبەكشى اۋداندارىنداعى 53 شاقىرىم جولدى «بازيس ك» ج ش س، ال اباي، ءال-فارابي اۋداندارىندا 37 شاقىرىم جولدى «اق وردا» ج ش س مەردىگەرلىگىمەن شاعال تاس توسەۋ جۇمىستارى جۇرگىزىلۋدە.