باراك وباما مەن پۋتين اراسىنداعى پىكىر قايشىلىعى اق ءۇيدىڭ شۇعىل جانە توسىن شەشىم شىعارۋىنا الىپ كەلدى. امەريكا پرەزيدەنتى باراك وباما ۋكرايناعا اسكەرىن دايارلاۋعا ارنايى امەريكاندىق ينسترۋكتورلارىن جىبەرەتىنى جونىندە مالىمدەدى. بۇل تۋرالى «قامشى» پورتالى rt.com-عا سىلتەمە جاساي وتىرىپ، حابارلايدى. وبامانىڭ مەملەكەتتىك دەپارتامەنت ارقىلى جىبەرگەن 20 ملن دوللار كولەمىندەگى قارجىلىق كومەگى اسكەردى وقىتۋ مەن وزگە دە قاجەتتى شارالارىنا جۇمسالماق.  

«امەريكا ۇكىمەتى ۋكراينانىڭ قورعانىس مينيسترلىگىنە كومەك رەتىندە 20 ملن دوللار كولەمىندە قارجى بولمەك. اتالمىش سوما مەملەكەتتىڭ اسكەري ءبىلىمىن دامىتۋ ماقساتىندا قولدانىلاتىن بولادى»، - دەدى پرەزيدەنت مىرزا.

ارنايى وپەراسيالانعان ۋكراين اسكەرىنىڭ امەريكاندىق مامانداردان ساباق الۋى اعىمداعى جىلدىڭ قاراشا ايىنان باستالاتىنى بەلگىلى بولدى.

«اقش-تىڭ ەڭ ۇزدىك ماماندارى ارنايى اسكەرىمىزدى دايىنداۋدى قاراشادان باستايتىنى جونىندە كەلىستىك» - دەپ، مالىمدەدى پەتر پوروشەنكو، اقش-تا تۇراتىن ۋكراين دياسپورالارىمەن وتكەن كەزدەسۋىنەن كەيىن. سونىمەن قاتار، ۋكراينانىڭ جاقىن ارادا اسكەردى دايىنداۋعا ارنالعان قوسىمشا قۇرالدارعا يە بولاتىنى جونىندە ايتىپ ءوتتى.

اقش-تىڭ بۇل كومەگى وزگە دە حالىقارالىق اسكەري ينسترۋكتورلاردى (ىشىندە امەريكاندىقتار دا بار) دايىنداۋعا باعىتتالعان. ولاردىڭ كوبىسى ۋكراينانىڭ ۇلتتىق گۆاردياسى اياسىندا تاجىريبەدەن ءوتتى.

«بۇل ءوزارا الماسۋ، ەكى جاقتى بىردەي كومەك بولماق. امەريكاندىق ارىپتەستەرىنەن قالاي كۇرەسۋ كەرەكتىگى جونىندە تاجىريبە جيناقتايتىن ۋكرايندىقتار ءۇشىن عانا ەمەس، رەسەيدىڭ الدىن وراپ كەتۋدى كوزدەگەن امەريكاندىقتار ءۇشىن دە قىزىق بولماق»، - دەدى پوروشەنكو.

نازگۇل نازار