شىمكەنت قالاسى اكىمىنىڭ ورىنباسارى ەرعالي بىلىسبەكوۆ ونلاين رەجيمدە كەزەكتى رەت ازاماتتاردى جەكە ماسەلەلەرى بويىنشا قابىلدادى. تۇرعىنداردى باسپانا، الەۋمەتتىك ماسەلەلەرمەن قاتار، كوپپاتەرلى تۇرعىن ۇيلەردىڭ جوندەۋ جۇمىستارى تولعاندىرادى.

ماسەلەن، وسىدان جيىرما جىلعا جۋىق ۋاقىت بۇرىن جەكەشەلەندىرۋ قۇقىعىمەن كەزەكتە تۇرعان ازاماتتارعا پايدالانۋعا بەرىلگەن ءا. مولداعۇلوۆا كوشەسى بويىنداعى № 44 ءۇي تۇرعىنى شاتىردى جوندەپ بەرۋ ءوتىنىشىن جەتكىزدى. الايدا، بۇگىندە تۇرعىنداردىڭ 70 پايىزى پاتەرلەرىن ءوز اتتارىنا جەكەشەلەندىرىپ العان. وعان سايكەس، ءوز مەنشىك يەلەرىندەگى جوندەۋ جۇمىستارىن وزدەرى جۇرگىزۋلەرى قاجەت.

قالا اكىمىنىڭ ورىنباسارى قىستا حالىق قينالماسى ءۇشىن جاۋاپتى سالا ماماندارىنا جاعدايدى تولىق زەردەلەپ، قاراجاتى قايتارىمدى نەگىزدە مودەرنيزاسيالاۋ جۇمىسىنىڭ جوباسىن قاراستىرۋدى تاپسىردى. تۇرعىندار ءبىراۋىزدان ءۇي ءتورايىمىن سايلاۋلارى قاجەت. جالپى، قالالىق تۇرعىن ءۇي باسقارماسىنىڭ مالىمەتىنشە، بيىل شاھاردا كوممۋنالدىق مەنشىكتەگى 11 كوپقاباتتى تۇرعىن ۇيگە اعىمداعى جوندەۋ جۇمىستارىن جۇرگىزۋ جوسپارلانعان.

قابىلداۋ بارىسىندا پاتەر يەلەرىنە «مۇلىك يەلەرىنىڭ بىرلەستىگى» نەمەسە «ءجاي سەرىكتەستىك» قۇرۋ قاجەتتىگى ءتۇسىندىرىلدى. ءۇيدى باسقارۋدىڭ جاڭا فورماسى ءبىرقاتار ارتىقشىلىققا يە. ءبىرىنشى كەزەكتە بۇل كوپپاتەرلى ۇيلەردەگى ورتاق مۇلىكتى پايدالانۋعا بوگدە ۇيىمداردىڭ ەمەس، مەنشىك يەلەرىنىڭ وزدەرى جاۋاپ بەرەتىندىگىمەن ەرەكشە.

ءقازىردىڭ وزىندە شىمكەنت قالاسىندا 113 «مۇلىك يەلەرىنىڭ بىرلەستىگى» مەن 773 «ءجاي سەرىكتەستىك» قۇرىلىپ، تىركەلگەن. تۇرعىندارى كەزەك كۇتتىرمەيتىن شاتىر،ليفت نەمەسە جەرتولەنى جوندەۋ جۇمىستارىنا اي سايىن جينايتىن قاراجاتتارىن جۇمساي الادى.