شىمكەنت قالاسىنىڭ اكىمى مۇرات ايتەنوۆ اۋىلشارۋاشىلىعى باعىتىندا جۇمىسى قارقىن العان كاسىپكەرلىك نىساندارىن ارالاپ، جۇمىس بارىسىمەن تانىستى.

شاھار باسشىسى قاراتاۋ اۋدانى سايرام تۇرعىن الابىندا ورنالاسقان «تاسساي قۇس» جشس-نە باردى. بيىل شارۋاشىلىقتى كەڭەيتىپ، ونىمدىلىكتى ارتتىرعان ءوندىرىس ورنى 15 ادام جۇمىسپەن قامتىپ وتىر.
جوبا قۇنى – 250 ملن تەڭگە. كاسىپكەرلەر جىلىنا 35 ملن دانا جۇمىرتقا ءوندىرىپ، نارىققا شىعارىپ كەلگەن. كەلەسى جىلدىڭ قاڭتارىنان باستاپ ونىمدىلىكتى 50 ملنعا جەتكىزۋدى جوسپارلاۋدا.

اتالعان ءوندىرىس گەرمانيالىق HELMANN POULTRY GMBH CO.KG تەحنولوگياسى بويىنشا جۇمىس ىستەيدى.

قۇس شارۋاشىلىعىنا ماماندانعان كاسىپورىنعا 2020 جىلى 29،7 ملن تەڭگە مەملەكەتتىك قولداۋ كورسەتىلگەن. 2021 جىلى 37،7 ملن تەڭگە قولداۋ كورسەتۋ جوسپارلانۋدا.

مۇنداي ءوندىرىس ورىندارىن قولداۋ، نارىقتىق باعانى تۇراقتاندىرۋدا ماڭىزدى قادام بولىپ تابىلادى.