بۇگىن ءىىى Nobel Fest الاڭشاسى ونلاين فورماتتا جۇمىسىن باستادى. دۇنيەجۇزىلىك بەيبىتشىلىك پەن دامۋ جولىنداعى عىلىم كۇنى (World Science Day for Peace and Development) قارساڭىندا باستاۋ العان بۇل الاڭشادا قازاقستان، ازەربايجان، وزبەكستان مەملەكەتتەرىنىڭ وكىلدەرى باس قوسىپ وتىر.

حالىقارالىق ينكليۋزيۆتى دامۋ قورى، ق ر تۇڭعىش پرەزيدەنتى – ەلباسى كىتاپحاناسى، حالىقارالىق G-Global حاتشىلىعى وزبەكستان رەسپۋبليكاسىنىڭ Ziyo Forum عىلىم مەن ءبىلىمدى دامىتۋ حالىقارالىق قورى جانە ازەربايجان رەسپۋبليكاسى ءبىلىم مينيسترلىگىنىڭ «ساباح گرۋپپ» ۇيىمىمەن بىرلەسە 2021 جىلعى 26-29 قازان ارالىعىندا وتكىزىپ جاتقان ءىىى Nobel Fest الاڭشاسى ورتالىق ازيا جانە كاۆكاز ەلدەرىنىڭ عىلىمي جانە ءبىلىم بەرۋ الەۋەتىن ارتتىرۋعا ارنالعان.

ءىىى Nobel Fest قاتىسۋشىلارى ءتورت نەگىزگى باعىت بويىنشا پىكىر الماسادى: جاسىل ەكونوميكا، يننوۆاسيا عاسىرى، جاڭا ءداۋىر سۇرانىسى، ازاماتتارعا ارنالعان ەكونوميكا.

پىكىر الاڭ اياسىندا 25 اۋقىمدى ءىس-شارا قتەدى. ونىڭ ىشىندە نوبەل سىيلىعى لاۋرەاتتارىنىڭ لەكسيالارى ءوتىپ، ولارمەن ەركىن پىكىر الماسۋ جۇرەدى. ءىىى Nobel Fest پىكىر الماسۋ الاڭى الەم ەلدەرى بويىنشا 40 مىڭنان استام ادامدى بىرىكتىرمەك. ونىڭ تۇراقتى قاتىسۋشىلارى اراسىندا نوبەل سىيلىعىنىڭ 4 لاۋرەاتى، عىلىم سالاسىنداعى وسكار سىيلىعىنىڭ 2 لاۋرەاتى، الەمدىك دەڭگەيدەگى تانىمال ءبىرقاتار ساراپشىلار بار.

ءىىى Nobel Fest پلاتفورماسىندا Google كومپانياسىنىڭ كوممەرسيالىق ديرەكتورى مو گاۆدات، كىتاپتارى الەمنىڭ 60 تىلدەرىنە، 27،5 ملن. دانامەن تاراعان الەمدىك دەڭگەيدەگى تاريحشى يۋۆال نوي حاراري، apple Siri قۇرىلتايشىسى، Renault Group توبىنىڭ باس ينجەنەرى ليۋك دجۋليا، تابيعاتتىڭ ىقپالدى قورعاۋشىسى، بۇۇ بەيبىتشىلىك ەلشىسى دجەين گۋدولل، بەيبىتىشىلىك نوبەل سىيلىعىنىڭ لاۋرەاتى راە كۆون چۋنگ، ەكونوميكا سالاسى بويىنشا نوبەل سىيلىعىنىڭ لاۋرەاتى پول روبەرت ميلگروم، تاعى باسقا الەمدىك دەڭگەيدەگى تانىمال تۇلعالار ءسوز الادى.

پىكىر الاڭىنىڭ ەكىنشى كۇنىندە شىمكەنت قالاسىنىڭ اكىمى مۇرات ايتەنوۆ قالامىزدىڭ بولاشاعى تۋرالى حابارلاما جاساپ، شىمكەنتتىڭ دامۋى جونىندە ءوز پىكىرىن بىلدىرەدى.