شىمكەنت قالاسىنىڭ اكىمى مۇرات ايتەنوۆ سيفرلاندىرۋ باسقارماسىنىڭ باسشىسى اسەت ءابدىراحانوۆتىڭ 9 ايدا اتقارعان ەسەبىن تىڭدادى.

قالادا بازالىق ستانسيالار ورناتۋ جۇمىسى 2020 جىلى ءۇش كەزەڭ نەگىزىندە قولعا الىنعان. العاشقى كەزەڭدە قالادا 11 نۇكتەگە ستانسيا ورناتىلىپ، ءموبيلدى ينتەرنەتپەن قامتۋ كورسەتكىشى 82% قۇرادى.

وسى جىلى ينتەرنەتپەن قامتۋدىڭ ىى-كەزەڭىندە 14 نۇكتەگە بازالىق ستانسياسىن ورناتۋ جۇمىسى جۇرۋدە. ونىڭ 8ء-ى ينۆەستور ەسەبىنەن، 6 نۇكتە بايلانىس وپەراتورلارى جەكە نىسان يەلەرىمەن بىرلەسە اتقارۋدا.

ءقازىر 8 جەرگە (تاسساي، ىنتىماق-2، قايناربۇلاق،سولتۇستىك-باتىس، اەروپورت ماڭى، ا-2 تراسساسى، ر-32 تراسساسى قۇرساي №49 مەكتەپ ماڭى) انتەننا-ماچتالىق قۇرىلعى ورناتىلىپ، ەلەكتر ەنەرگياسىنا جالعاۋ جۇمىستارى جۇرگىزىلۋدە. جىل سوڭىنا دەيىن جەلىگە قوسىلادى.

قالعان 6 نۇكتەدە (ابدۋلاباد،زابادام،اسار،سامال-3، نۇرتاس، قۇرساي - جىلىساي كوشەسى ماڭى) بازالىق ستانسيالار ورناتىلىپ، ىسكە قوسىلعان. قالا اۋماعىنداعى 14 بازالىق ستانسيالار تولىق جەلىگە قوسىلسا، 136 071 وتباسى ساپالى ينتەرنەتپەن قامتىلادى. جىل سوڭىنا دەيىن جەلىمەن قامتۋ كورسەتكىشىن 91%-عا جەتكىزۋ جوسپارلانىپ وتىر.

قالادا بازالىق ستانسيانى كوبەيتۋ ءۇشىن باسقارما ءوڭىرارالىق بايلانىس ينسپەكسياسىمەن بىرلەسە ينتەرنەتتىڭ ساپاسىنا تالداۋ جاساعان. تالدانعان 110 نۇكتەنىڭ 22-نە ينتەرنەت ساپاسى تومەن ەكەنى انىقتالعان.

ازىرلەنگەن جول كارتاسى شەڭبەرىندە ساپاسى تومەن اۋماقتارعا 2022-2023 جىلدارى بازالىق ستانسياسىن ورناتۋ جوسپارلانىپ وتىر. بۇل جۇمىستار جۇزەگە اسىرىلسا، قالا اۋماعى 100% ساپالى ينتەرنەتپەن قامتىلادى.