شىمكەنت قالاسىنىڭ تۋريزم جانە سىرتقى بايلانىستار باسقارماسىنىڭ باسشىسى ە.قىدىروۆ 9 ايدا اتقارىلعان جۇمىستاردى باياندادى.

2021 جىلدىڭ ءبىرىنشى جارتىجىلدىعىندا قالاعا كەلۋشى تۋريستەر سانى 158 224 ادامعا جەتىپ، 2 ەسەگە ارتقان. بۇل كورسەتكىش بىلتىر ءبىرىنشى جارتىجىلدىقتا 69945ء-تى قۇراعان بولاتىن. سايكەسىنشە، 6 ايدا قالا ەكونوميكاسىنا تۇسكەن تابىس كولەمى 9،5 ملرد تەڭگەگە جەتكەن. جىل سوڭىنا دەيىن بۇل كورسەتكىشتى 2 ەسەگە ارتتىرۋ كوزدەلىپ، كەلگەن تۋريستەر سانىن 315 381 ادامعا جەتكىزۋ قاراستىرىلعان. ناتيجەسىندە، قالا ەكونوميكاسىنا 19 ملرد. قارجى تۇسەدى دەپ كۇتىلۋدە. ال، جالپى بيۋدجەتتەن بولىنگەن 1 تەڭگەنىڭ قايتارىلىمى 62 تەڭگەنى قۇراپ وتىر.

باسقارما باسشىسى ەسەپتىك كەزەڭدە نەگىزگى 4 باعىتتا جۇزەگە اسقان جۇمىستاردان حاباردار ەتتى. ماركەتينگتىك ىلگەرىلەتۋ باعىتىندا قالانىڭ كورىكتى جەرلەرىمەن تانىستىرۋ ماقساتىندا «Visit Shymkent» تۋريستىك-اقپاراتتىق ورتالىعى قۇرىلدى. ورتالىقتىڭ نەگىزگى ماقساتى – «ءبىر تەرەزە» قاعيداسى بويىنشا قالا تۇرعىندارى مەن قوناقتارىنا اقپاراتتىق-كونسۋلتاسيالىق كومەك كورسەتۋ. جالپى، ورتالىق تاراپىنان 115 تەگىن ەكسكۋرسيا ۇيىمداستىرىلىپ، 11 مىڭعا جۋىق تۋريستكە قىزمەت كورسەتىلدى.

تۋريستەردى اقپاراتپەن قامتاماسىز ەتۋ ماقساتىندا VISIT-SHYMKENT.KZ تۋريستىك پورتالى مەن ءموبيلدى قوسىمشاسى ىسكە قوسىلدى. ونلاين پلاتفورمالاردىڭ پاندەميا كەزىندە، سونداي-اق، زامان تالابىنا ساي تانىمالدىعى ارتىپ، قوعامدا ماڭىزدىلىعى ءوسىپ كەلە جاتقانىن ەسكەرسەك، پورتال مەن ءموبيلدى قوسىمشا تۋريستەر ءۇشىن تاپتىرماس قۇرال بولىپ ەسەپتەلەدى. قازىرگى تاڭدا تۋريستىك اقپاراتتىق جۇيەگە قالا اۋماعىنداعى 700-دەن اسا تۋريستىك سالا وكىلدەرى مەن نىساندارى ەنگىزىلىپ، پورتال ارقىلى ءار ءتۇرلى مادەني نىساندارعا 38 414 بيلەت ساتىپ الىندى.