جامبىل وبلىسى اسا اۋىلىندا گاز وڭدەۋ زاۋىتىندا ءورت شىقتى، دەپ حابارلادى جامبىل وبلىسى تجد باسپا ءسوز قىزمەتى.
"جامبىل وبلىسى جامبىل اۋدانى اسا اۋىلىندا "امانگەلدى گوز" ءجشس-نىڭ تارازداعى بولىمشەسى (گاز وڭدەۋ زاۋىتى) اۋماعىندا ءورت شىقتى. جالپى كولەمى 480 تەكشە مەتر ديزەل وتىنى بار ەكى سيستەرنا جانىپ كەتتى. توتەنشە جاعدايلار دەپارتامەنتىنىڭ جەدەل قىزمەتىنە شاقىرتۋ ساعات 12.04-تە كەلىپ ءتۇستى، دەلىنگەن حابارلامادا.
ءورت ساعات 13.05-تە وقشاۋلانىپ، 13.17-دە سوندىرىلگەن. زارداپ شەككەندەر مەن قازا بولعاندار تۋرالى مالىمەت جوق.
ءورتتى سوندىرۋگە 21 تەحنيكا مەن 75 ادام جۇمىلدىرىلعان. وتتىڭ نەدەن تۇتانعانى ازىرگە بەلگىسىز.
پىكىر قالدىرۋ