شىمكەنت قالاسىنىڭ اكىمى مۇرات ايتەنوۆ «تاسساي» يندۋستريالدىق ايماعىندا ورنالاسقان «DentaFill Kazakhstan» ج ش س ءدارى جانە گيگيەنالىق زاتتار ءوندىرىسىنىڭ قۇرىلىسى بارىسىمەن تانىستى. جوبا قۇنى – 2 500 ملن تەنگە. كاسىپورىن جىلىنا 10 ملن دانا دارىلىك پرەپاراتتار شىعارۋعا قاۋقارلى. جاڭادان 90 جۇمىس ورنى اشىلادى.

2020-2021 جىلى ىسكە اسىرۋ جوسپارلانعان نىساننىڭ بۇگىندە 80 % قۇرىلىس جۇمىستارى اياقتالدى. قاراشا ايىندا قۇرىلىسى اياقتالىپ، جەلتوقسان ايىنىڭ باسىندا قۇرىلعىلار ورناتىلادى.

قالا اكىمى مەملەكەت باسشىسىنىڭ تاپسىرماسىنا سايكەس، يمپورتقا تاۋەلدىلىكتى ازايتۋ ءۇشىن مۇنداي كاسىپورىنداردىڭ ماڭىزدىلىعىن اتاپ ءوتتى. شىمكەنت قالاسى فارماسيەۆتيكا ءوندىرىسىنىڭ ورتالىعى بولۋى ءتيىس. ءقازىر مەديسينالىق ماقساتتاعى ونىمدەرگە سۇرانىس ارتىپ وتىر. جاستاردى وندىرىستىك پراكتيكادان وتكىزىپ، كاسىبي ماماندار دايارلاۋدى قولعا العان دۇرىس. ءبىز ءوز تاراپىمىزدان كومەك كورسەتۋگە دايىنبىز، – دەدى قالا اكىمى.

ايتا كەتسەك، كاسىپكەرلەرگە يندۋسترالدىق ايماقتان 1 گا جەر بەرىلدى. «بيزنەستىڭ جول كارتاسى – 2020 باعدارلاماسى اياسىندا ينفراقۇرىلىم تارتۋ جۇمىستارى اتقارىلۋدا.