«تاسساي» يندۋستريالدى ايماعىنداعى «مەگا سمارت» ج ش س مدف جىلتىر پليتا جانە جيھاز ءوندىرىسى 2016 جىلى ىسكە قوسىلعان بولاتىن.

قالا اكىمى جىل سايىن ونىمدىلىكتى ارتتىرۋعا بەت بۇرعان كاسىپورىننىڭ بۇگىنگى جاعدايىمەن تانىسىپ، جۇمىس بارىسىنا كۋا بولدى. جالپى 1،2 ملرد تەڭگە ينۆەستيسيا تارتىلعان. بۇگىنگى تاڭدا 157 ادام جۇمىس ىستەيدى. دايىن ونىمدەردىڭ 60 %-ى ىشكى نارىققا، 30 %-ى ەكسپورتقا جونەلتىلۋدە.

«مەگا سمارت» زاۋىتى – ەلىمىزدەگى بالاماسى جوق بىرەگەي ءوندىرىس ورنى. وڭتۇستىك كورەيا تەحنولوگياسىمەن جابدىقتالعان كاسىپورىن 3D فورماتىنداعى جىلتىر تاقتالاردى دا دايىندايدى. جىلىنا 72 مىڭ مدف پانەلدەرىن جانە 5000 دانا جيھاز جيىنتىعىن شىعارۋدا. كەڭسەلەرگە جانە ءبىلىم بەرۋ مەكەمەلەرىنە اسا قاجەتتى جيھازدار.

دايىن تاۋارعا جۇمسالاتىن شيكىزاتتىڭ باسىم بولىگى رەسەي جانە جەرگىلىكتى ءونىم. ونىڭ قاتارىندا ماقتا تالشىعى دا قولدانىلادى. «مەگا سمارتتىڭ» ونىمدەرىنە قازاقستاندا سۇرانىس جوعارى. جىلتىر تاقتالار وزبەكستان، قىرعىزستان جانە تاجىكستان ەلدەرىنە ەكسپورتتالۋدا. ايتا كەتسەك، ءوندىرىس ورنىنا «بيزنەستىڭ جول كارتاسى – 2020» باعدارلاماسى اياسىندا قولداۋ كورسەتىلگەن.