بۇگىن جەتىنشى شاقىرىلىمداعى شىمكەنت قالاسى ءماسليحاتىنىڭ كەزەكتەن تىس ونىنشى سەسسياسى ءوتتى. وعان قالا اكىمى م.ايتەنوۆ، ءماسليحات حاتشىسى ب.نارىمبەتوۆ جانە حالىق قالاۋلىلارى، اۋدان اكىمدەرى مەن باسقارما باسشىلارى قاتىستى.  بۇگىن جەتىنشى شاقىرىلىمداعى شىمكەنت قالاسى ءماسليحاتىنىڭ كەزەكتەن تىس ونىنشى سەسسياسى ءوتتى. وعان قالا اكىمى م.ايتەنوۆ، ءماسليحات حاتشىسى ب.نارىمبەتوۆ جانە حالىق قالاۋلىلارى، اۋدان اكىمدەرى مەن باسقارما باسشىلارى قاتىستى.  

كۇن تارتىبىنە سايكەس 2 ماسەلە قارالدى: «2021-2023 جىلدارعا ارنالعان شىمكەنت قالاسىنىڭ بيۋدجەتى تۋرالى» ءماسليحات شەشىمىنە وزگەرىستەر ەنگىزۋ، ءماسليحات حاتشىسىنىڭ اتقارعان جۇمىستارىنىڭ ەسەبى. 

سەسسيادا ءسوز العان قالا اكىمى بيۋدجەتتە ۇنەمدەلگەن قارجىنىڭ ينفراقۇرىلىمدىق ماسەلەلەرگە جۇمسالاتىنىن جەتكىزدى. بۇگىن ماڭىزدى شەشىمدەر قابىلداندى، بيۋدجەت ناقتىلاندى. قالا بيۋدجەتى 491،6 ملرد. تەڭگەگە جەتتى. ونىڭ 25،3%-ى – دامۋ بيۋدجەتى، 74،7%-ى – اعىمداعى شىعىندار. بيىلعى جىلعا ارنالعان بيۋدجەتتەن ۇنەمدەلگەن قارجى ينفراقۇرىلىمدىق دامۋ، وزگە دە ماڭىزدى جوبالاردى ىسكە اسىرۋعا قايتا باعىتتالاتىن بولادى. بۇل وزگەرىستەر بيۋدجەتتى ساپالى جانە تولىق يگەرۋگە مۇمكىندىك بەرەدى، - دەدى شاھار باسشىسى. 

ءماسليحات دەپۋتاتتارىمەن قالانىڭ الەۋمەتتىك-ەكونوميكالىق دامۋىنا سەرپىن بەرەتىن 80-نەن استام شەشىمدەر قابىلدانعانىن بايانداعان قالا اكىمى دەپۋتاتتاردىڭ جۇمىسىنا العىسىن ايتتى.  جولداۋدا بەلگىلەنگەن 25 ناقتى مىندەتتى، قالانىڭ تۇراقتى دامۋى ءۇشىن ناقتىلانعان 10 ۇلتتىق جوبانى جۇزەگە اسىرۋدا دەپۋتاتتار كورپۋسىمەن ناتيجەلى جۇمىستار جۇرگىزەمىز دەگەن سەنىم ءبىلدىردى.