شىمكەنتتى تۇرعىنداردىڭ ءومىر سۇرۋىنە قولايلى ءارى ءقاۋىپسىز قالا ەتۋ ماقساتىندا جىل سايىن كوشەلەرگە جانە كوپ قاباتتى تۇرعىن ۇيلەرگە قويىلىپ جاتقان بەينەباقىلاۋ كامەرالارىنىڭ سانى ارتىپ كەلەدى.

شىمكەنت اكىمى مۇرات ايتەنوۆ «Ońtústik» تەلەارناسىنىڭ «اكىم ساعاتى» باعدارلاماسىندا قالاعا وتكەن جىلى 3 153 كامەرا، بيىل 3 177 كامەرا قويىلعانىن ايتتى. ونىڭ ىشىندە 4 441ء-ى قوعامدىق قاۋىپسىزدىكتى ساقتاۋعا، 1889-ى جول قاۋىپسىزدىگىنە باعىتتالعان. ولاردىڭ بارلىعى پوليسيا دەپارتامەنتىنە قاراستى جەدەل باسقارۋ ورتالىعى ارقىلى باسقارىلادى.

جەدەل باسقارۋ ورتالىعىنىڭ تەحنيكالىق بازاسى دا جاڭارتىلدى. ناتيجەسىندە كامەرالاردى شولۋ 3 ەسەگە ارتتى. سەرگەك كامەرالارىنا قارايتىن 32 اۆتوماتتاندىرىلعان جاڭا جۇمىس ورنى قۇرىلدى. بەينەقابىرعالارعا بۇرىن ەكى جۇيە قوسىلعان بولسا، ەندى ولاردىڭ سانى 8-گە ءوستى، ياعني الەۋمەتتىك نىساندار، سەرگەك، GPS كارتالار، پەلكو، ينتەگرا-س قوسىلدى.

ءتارتىپ، تازالىق پەن جول ەرەجەسىن ساقتاۋ، جالپى قاۋىپسىزدىگىمىز ءۇشىن كامەرالاردىڭ ماڭىزى وراسان زور.