شىمكەنت قالاسىندا 81 ەلدى مەكەننىڭ 69-ى ساپالى سۋمەن قامتىلعان، 5 ەلدى مەكەنگە كەستەمەن بەرىلسە، 7-ىنە اۋىز سۋ تاسىمالدانادى. «اكىم ساعاتى» باعدارلاماسىندا قالا اكىمى مۇرات ايتەنوۆ ەلدى مەكەندەردىڭ اۋىز سۋمەن قامتىلۋى جونىندە بايانداپ ءوتتى.

بيىل قالادا 3 ماگيسترالدى سۋاققى مەن 11 ىشكى ورامدىق جۇيەنىڭ قۇرىلىس جۇرگىزىلۋدە. وسى جىلدىڭ توعىز ايدىڭ قورىتىندىسى بويىنشا 2 شاعىن اۋداندا (تۇران، ىنتىماق-2) قۇرىلىس جۇمىسى اياقتالىپ، پايدالانۋعا بەرىلدى.

جىل سوڭىنا دەيىن سۋدى تاسىمالدايتىن سولتۇستىك ساياجاي، باتىس، جاڭاتۇرلان، اسار-2، اقتاس تۇرعىن الابتارى مەن كەستەمەن بەرىلىپ كەلگەن جاڭاتالاپ، ساۋلە ( دكز) ش/ا، نۇرتاستىڭ جاڭاقۇرىلىس اۋماعىندا قۇرىلىس جۇمىسى اياقتالادى. ناتيجەسىندە 25،6 مىڭ ادام اۋىز سۋعا قول جەتكىزىپ، قامتىلۋ كورسەتكىشى 95،6%-دان، 98%-عا وسەدى.

جىل سوڭىنا 3 ماگيسترالدى سۋاققىنىڭ قۇرىلىسى اياقتالىپ، پايدالانۋعا بەرىلەدى. قالامىزدىڭ دامۋ جوسپارىنا سايكەس، الداعى 2023 جىلى ساپالى اۋىز سۋ ماسەلەسى تولىعىمەن شەشىلەدى.