قالالىق ورتا ساپاسى جانە باقىلاۋ باسقارماسىنىڭ باسشىسى ع.وتەنبايەۆ گاز-تەحنيكالىق ينسپەكسيا ءبولىمىنىڭ 9 ايدا اتقارعان جۇمىستارىنىڭ ناتيجەلەرىن باياندادى.

شىمكەنت قالاسىندا بۇگىنگى تاڭدا ۇگىت-ناسيحات ءتۇسىندىرۋ جۇمىستارىن جۇرگىزۋ بارىسىندا 185 605 گاز پايدالانۋشىنىڭ 107 مىڭى (58 %) ىشكى گاز جۇيەلەرىنە قىزمەت كورسەتۋشى مەكەمەلەرمەن كەلىسىمشارت جاساستى. ونىڭ ىشىندە كوپقاباتتى تۇرعىن ۇيلەردەگى تۇتىنۋشىلاردىڭ سانى 66 مىڭ (62 پايىز)، ال جەكە سەكتورداعى ۇيلەردەگى تۇتىنۋشىلاردىڭ سانى 41 مىڭ (38 پايىز).

قالادا ىشكى گاز جۇيەلەرىنە قىزمەت كورسەتۋشى 13 مامانداندىرىلعان ۇيىم جۇمىس ىستەۋدە.

قالالىق توتەنشە جاعدايلار دەپارتامەنتى تاراپىنان 1 102 مەملەكەتتىك اتاۋلى الەۋمەتتىك كومەك الۋشى ازاماتتاردىڭ ۇيلەرىنە گازدابىلقاققىشتار (گازوسيگاليزاتور) ورناتىلعان. اتالعان جۇمىستار جەكە دەمەۋشىلەر ەسەبىنەن اتقارىلعان بولاتىن.

سونىمەن قاتار، 2020-2021 جىلدارى پايدالانۋعا بەرىلگەن 2192 پاتەرگە ساكز-مك-2-1 ماركالى گازدابىلقاققىشتار ورناتىلعان. ال، 2021-2022 جىلدارى قۇرىلىسى جوسپارلانعان 2424 پاتەرگە اتالعان گازدابىلقاققىشتار ورناتىلاتىن بولادى.