2021 جىلدىڭ 11-15 قازان ارالىعىندا شىمكەنت قالاسىنداعى «مۇز سارايىندا» شايبالى حوككەيدەن 2010 جىلى تۋعان جاسوسپىرىمدەر اراسىندا «فەدەراسيا كۋبوگىنا» ارنالعان رەسپۋبليكالىق تۋرنير ءوتتى.
جارىسقا الماتى قالاسىنىڭ «Rakhimzhan»، «Medvedi»، پاۆلودار قالاسىنىڭ «Ertis»، نۇر-سۇلتان قالاسىنىڭ «Brigantina»، «Barys»، «Astana»، اقتوبە قالاسىنىڭ «Aqtobe»، اتىراۋ قالاسىنىڭ «Beibarys» جانە شىمكەنت قالاسىنىڭ «Turan» كومانداسى قاتىستى.
اتالعان سايىستا ءتۋرنيردىڭ كەلەسى كەزەڭىنە جولداما العان كوماندالار انىقتالدى.
شىمكەنت قالاسىنىڭ «Turan» كومانداسى ىرىكتەۋ باسەكەسىندە 2ء-شى ورىنعا يە بولىپ، كەلەسى كەزەڭگە شىقتى. «فەدەراسيا كۋبوگى» باسەكەسىنىڭ شەشۋشى كەزەڭى قاشان وتەتىنى الداعى ۋاقىتتا ءمالىم بولادى.
