شىمكەنتتىڭ ىرگەسىندەگى «ورمانشى» تۇرعىن الابىندا «الاتاۋ» اللەياسى اشىلدى. نەشە جىلدان بەرى قوقىس ۇيىندىسىنە اينالعان ايماقتىڭ ءوڭى كىرىپ قالدى. جەرگىلىكتى تۇرعىنداردىڭ قۋانىشىن ءبولىسىپ قايتقان ءتىلشى اڭگىمەسى.

بۇعان دەيىن الاتاۋ كوشەسى سۇرىقسىز كەيىپتە ەدى. ۇيىلگەن قوقىستان تازارتۋ ءۇشىن ءانيپا اپانىڭ سىڭىرگەن ەڭبەگى كوپ. نەشە جىلدان بەرى تابانىنان تاۋسىلىپ، تالاي تابالدىرىقتى اتتاعان. جەرگىلىكتى بيلىك ءوتىنىشىن اياقسىز قالدىرماپتى. ءقازىر بۇل ايماقتىڭ ءارى كىرىپ قالدى.

وتكەن جىلى باستالعان قۇرىلىس اعىمداعى جىلدىڭ قىركۇيەك ايىندا تولىق اياقتالدى. «كەن تاۋ» ءجشس-ى جاۋاپكەرشىلىكتى موينىنا العان. جوبا قۇنى 336ملن تەڭگە. جالپى اۋدانى 5 گا-عا جۋىق. ءقازىر مۇندا سپورت الاڭدارى، جارىقتاندىرۋ باعانالارى، قوقىس ۋرنالارى ورنالاستىرىلدى.

ەندى مۇندا اعاشتار وتىرعىزىلادى. سەنبىلىك جۇمىستارىن ۇيىمداستىرۋ جوسپاردا بار. ايتا كەتەيىك، ورمانشى تۇرعىن الابىندا 6 مىڭنان استام تۇرعىن بار.