تۋريستەردى اقپاراتپەن قامتاماسىز ەتۋ ماقساتىندا ىسكە قوسىلعان «Visit-Shymkent.kz» سايتى مەن باعدارلاماسىن قولدانۋشىلار سانى كۇن ساناپ ارتۋدا.

قازىرگى تاڭدا تۋريستىك پورتالعا قالا اۋماعىنداعى 300-دەن استام تۋريستىك فيرما، اگەنتتىك جانە نىسان ەنگىزىلگەن. پورتال ارقىلى ءتۇرلى مادەني نىساندارعا 38 مىڭ 414 بيلەت ساتىپ الىنعان. ال، سايتتىڭ ىزدەۋ جۇيەسىن 72 مىڭعا جۋىق ادام پايدالانعان. قولدانۋشىلار قاتارىن ق ر ازاماتتارى عانا ەمەس، تمد ەلدەرى جانە شەتەل ازاماتتارى دا قۇرايدى. جالپى بۇگىنگى كۇندە باعدارلامانى جۇكتەپ الۋشىلار سانى 1000-عا جۋىقتاسا، قىزمەت كورسەتۋ سانى 130 مىڭنان اسقان.

اتالعان جوبا تۇرعىندار مەن قوناقتارعا قالا اۋماعىندا بولىپ جاتقان مەرەكەلىك ءىس-شارالارعا، تاريحي-مادەني نىساندارعا، ونىڭ ىشىندە تەاتر قويىلىمدارىنا ونلاين بيلەتكە الدىن الا تاپسىرىس بەرىپ، ساتىپ الۋعا، قالاعا ۇشىپ كەلەتىن رەيستەر كەستەسىن كورۋگە، ۇشاق پەن تەمىر جول بيلەتتەرىن ساتىپ الۋعا، گيد-ەكسكۋرسوۆودتاردىڭ قىزمەتتەرىن پايدالانۋعا مۇمكىندىك بەرەدى. پلاتفورمانىڭ اسىرەسە پاندەميا كەزىندە تانىمالدىلىعى ارتىپ، ۇيدە وتىرىپ-اق قىزمەتتەردى ونلاين الۋعا سەپتىگىن تيگىزدى.