ەل تاۋەلسىزدىگىنىڭ 30 جىلدىعى اياسىندا ماڭعىستاۋ وبلىسىنىڭ بەينەۋ اۋدانىنا قاراستى بورانقۇل اۋىلىندا تۇرعىندارعا تارتۋ جاسالىپ، 6 جوبا ىسكە استى. بۇل تۋرالى بەينەۋ اۋدانى اكىمدىگىنىڭ باسپا ءسوز قىزمەتى حابارلادى. 

بورانقۇل اۋىلىنىڭ بەلسەندىلەرى «قوعامدىق كەڭىستىكتەر» باعدارلاماسىنا قاتىسىپ، ەلدى مەكەننىڭ ينفراقۇرىلىمىن جاقسارتۋعا باعىتتالعان 12 جوباعا ءوتىنىم بەرگەن. ونىڭ جەتەۋى ماقۇلدانىپ، گرانت بولىنگەن. ءقازىر 6 جوبا پايدالانۋعا بەرىلدى. 

-«اۋىل تۇرعىندارىنىڭ قاجەتتىلىگىن ەسكەرە وتىرىپ ءارى اۋىلىمىزدى كوركەيتۋ ماقساتىندا بىرنەشە جوبالار جۇزەگە اسىرىلدى. ايتاپ ايتساق، «كوركەيە بەر، مەكتەبىم» اتتى الاڭ مەن جاياۋ جۇرگىنشىلەر جولى، «دەنى ساۋ ۇرپاق-ەل بولاشاعى» سپورت جانە بالالار ويىن الاڭى، «بالانىڭ ويىنى - بالانىڭ بولاشاعى» بالالار ويىن الاڭى، «جاستار اللەياسى» كوگالداندىرۋ جۇمىستارى، «بالاۋسا بالعىن بالالىق شاق» بالالار ويىن الاڭى، «Street workout» كوشە ترەناجەر الاڭى سالىندى. ال «جەڭىسكە دەگەن ىنتا» فۋتبول الاڭىنا جوندەۋ جۇمىستارى جۇرگىزىلگەن. بۇل جۇمىستار «تەڭىزشيەۆرويل» ج ش س مەن ورتالىق ازيانىڭ ەۋرازيا قورىنىڭ دەمەۋشىلىگىمەن جۇرگىزىلدى»، - دەدى جوبا ۇيلەستىرۋشىسى ايتباي سيىق ۇلى.