"قىتايداعى مۇلىك باعالارىنىڭ قۇلدىراۋى تۋرالى رەسمي مالىمەتتەردىڭ جاريالانۋى جالعاسا ءتۇستى. بۇل – ءۇي باعاسىنىڭ 2015 جىلدان بەرگى ءبىر ايداعى ەڭ ۇلكەن قۇلدىراۋى" دەپ حابارلادى BBC.

قاڭتار-قازان ايلارىندا باستالعان جاڭا قۇرىلىستار ءبىر جىل بۇرىنعىمەن سالىستىرعاندا 7،7%-عا تومەندەگەن.

جۇڭگو جىلجىمايتىن مۇلىك نارىعى سوڭعى ايلاردا قۇلدىراي باستادى، ويتكەنى ەلدىڭ جىلجىمايتىن مۇلىك الپاۋىتى "Evergrande" كومپانياسى قارجىلىق داعدارىسقا ۇشىرادى.

قىتايدا كوۆيد جاعدايلارىنىڭ جاڭا تولقىنى جانە ەلەكتر قۋاتىنىڭ ايتارلىقتاي توقتاۋى دا تىركەلدى. قازان ايىندا ءۇي باعاسىنىڭ 0،2%-عا تومەندەۋى 2015 جىلدىڭ اقپان ايىنان بەرى بايقالعان ەڭ ۇلكەن قۇلدىراۋ.

بۇل – سونىمەن قاتار 2015 جىلدىڭ ناۋرىزىنان بەرگى ءۇي باعاسىنىڭ العاشقى تومەندەۋىن بىلدىرەدى.

ماماندار "جۇڭگو ەكونوميكالىق بەلسەندىلىگىنىڭ شامامەن تورتتەن ءبىرىن قۇرايتىن جىلجىمايتىن مۇلىك نارىعىنىڭ شاتقاياقتاۋى عالامدىق ەكونوميكاعا اسەر ەتۋى مۇمكىن" دەيدى.

ساراپشىلار قىتايداعى قارىز داعدارىسى الەمدىك قارجى نارىعىنا اسەر ەتەتىن كەيبىر حالىقارالىق ءىرى ينۆەستورلار اراسىندا الاڭداۋشىلىق تۋدىرعانىن ايتادى.