شىمكەنتتە زاڭسىز ساۋدا قاتارلارىن رەتتەستىرۋ جۇمىستارى قولعا الىنۋدا. ءال-فارابي اۋدانى اكىمدىگى اۋماعىنداعى رەتسىز ساۋدا ورىندارىنا رەيد جۇرگىزىلىپ، وعان اكىمدىك قىزمەتكەرلەرى مەن ءتارتىپ ساقشىلارى قاتىستى.
بىرلەسە جۇرگىزىلگەن رەيد بارىسىندا راشيدوۆ كوشەسىنىڭ بويىندا رەتسىز ساۋدا قاتارلارى انىقتالدى. ونداعى كاسىپكەرلەردىڭ مەملەكەت مەنشىگىندەگى جەرلەردى ءوز پايداسىنا پايدالانعانى بەلگىلى بولدى.
ق ر اكىمشىلىك كودەكسىنىڭ 204 بابىنا سايكەس بەلگىلەنبەگەن ورىندا ساۋدا جاساۋ جانە قالانىڭ اباتتاندىرۋ قاعيداسىن (505 باپ) بۇزعانى ءۇشىن ءتۇسىندىرۋ جۇمىستارى جۇرگىزىلدى.
اۋدان اكىمدىگى ءتارتىپتى ورەسكەل بۇزعان كاسىپكەرلىك نىساندارىنىڭ يەلەرىنە قۇزىرلى مەكەمە تاراپىنان شارا كورىلەتىنىن ەسكەرتەدى.
پىكىر قالدىرۋ