قۇندىز قالاسىندا تاليباندىقتاردىڭ بومبالاۋى سالدارىنان MSF مەديسينالىق قايىرىمدىلىق كورسەتۋ ۇيىمىنىڭ 3 قىزمەتشىسى قازا تاپتى. بۇل تۋرالى «قامشى» پورتالى bbc.com-عا سىلتەمە بەرە وتىرىپ حابارلايدى.

تاعى 30 ادام حابار-وشارسىز جوعالعان. ناتو-نىڭ حابارلاۋىنشا، اقش-تىڭ اۋعاندىقتارعا كومەك رەتىندە جىبەرگەن اۋە شابۋىلىنىڭ ناتيجەسىندە قالا ماڭىندا بولعان مەديسينالىق ۇيىم زارداپ شەككەن بولۋى مۇمكىن.

ايتا كەتەيىك، تاليباندىقتار قالاعا وسى اپتانىڭ باسىندا شابۋىل جاساعان بولاتىن. بۇل تۋرالى «قامشى» پورتالى الدىڭعى جاڭالىقتارىندا جازعان بولاتىن. 

MSF دارىگەرلەرىنىڭ بەرگەن اقپاراتى بويىنشا، سەنبى كۇنى تۇندە، جەرگىلىكتى ۋاقىت بويىنشا 02:10-نان باستاپ كلينيكا بومبالاۋعا بىرنەشە رەت دۋشار بولعان.

ناتو-نىڭ مالىمدەمەسىندە «اقش اسكەرى قۇندىز قالاسىندا جەرگىلىكتى ۋاقىت بويىنشا تۇنگى 02:15-تە قارسىلاس توپقا اۋەدەن جاپپاي ەرەۋىل سوققى جاساعان. وكىنىشكە وراي، سول شابۋىل جاقىن ماڭدا ورنالاسقان كلينيكا مۇشەلەرىنىڭ قۇربان بولۋىنىڭ سەبەبى بولۋى مۇمكىن»، - دەلىنگەن.

سونىمەن قاتار ناتو-لىقتار بولعان وقيعاعا بايلانىستى تەرگەۋ جۇمىستارى جۇرگىزىلەتىنىن ايتتى.

«بۇل جاعداي بارلىعىمىزدى ۇلكەن كۇيزەلىسكە دۋشار ەتتى. بۇل تەك كلينيكا ءۇشىن عانا ەمەس، جالپى دەنساۋلىق ساقتاۋ سالاسى ءۇشىن ۇلكەن قايعى بولىپ وتىر»، - دەگەن بولاتىن MSF ديرەكتورى بارت يانسسەنس.

ناتو اۋە ۇشاقتارى قالانى جاقىن كۇندەرى قايتارۋ ءۇشىن كۇرەسۋدە. تاليباندىق بۇلىكشىلەردىڭ ءبىرازى پەريفيريالىق ايماقتارعا جىبەرىلگەنىمەن، اۋەجاي ماڭىندا الىگە دەيىن قاندى سوعىس ءجۇرىپ جاتىر.