سيرياداعى رەسەي قارۋلى كۇشتەرىنىڭ شابۋىلىنان كەيىن 7 بىردەي  مەملەكەتتىڭ پرەزيدەنتتەرى رەسەيدى  اسكەري وپەراسيالاردى توقتاتۋعا شاقىرعان. بۇل تۋرالى «قامشى» پورتالى lifenews.ru-عا سىلتەمە جاساي وتىرىپ حابارلايدى.

فرانسيا، گەرمانيا، كاتار، ساۋد ارابياسى، تۇركيا، ۇلىبريتانيا جانە اقش رەسەي قارۋلى كۇشتەرىنىڭ شابۋىلدارى بەيبىت تۇرعىنداردىڭ ءومىرىن قيۋدا دەپ ەسەپتەيدى.

كەشە تۇركيا رەسپۋبليكاسى سىرتقى ىستەر ءمينيسترى داۆۋتوگلى  تۇركيا جانە ونى قولداۋشى التى مەملەكەتتىڭ اتىنان  سيرياداعى سوعىستى توقتاتۋ تۋرالى مالىمدەمە جاساعان.

جەتى بىردەي مەملەكەتتىڭ اتىنان ازىرلەنگەن رەسمي قۇجاتتا سيريا تەرريتورياسىنداعى رف قارۋلى كۇشتەرىنىڭ شابۋىلدارىنا قاتىستى قارسىلىق بىلدىرىلگەن. سونداي-اق، رەسەي فەدەراسياسى اسكەري وپەراسيا جۇرگىزىپ جاتقان كاما، حومسا جانە يدليبا اۋداندارىندا بەيبىت تۇرعىندار قازا تاپقان.

«بۇل اسكەري ءىس-قيمىلدار ماسەلەنى ۋشىقتىرىپ، ەكستريميزم مەن راديكاليزمنىڭ ورشۋىنە سەبەپ بولۋى مۇمكىن. سوندىقتان ءبىز رەسەيدىڭ سوعىستى توقتاتۋىن تالاپ ەتەمىز. ءبىز رەسەي اسكەرىنىڭ سيريا وپپوزيسياسىنا جانە بەيبىت تۇرعىندارعا جاساپ جاتقان شابۋىلدارىن توقتاتىپ، يم-گە قارسى كۇرەسۋىن سۇرايمىز» دەلىنگەن.

 «قامشى» سىلتەيدى