رەسەيدىڭ سيرياداعى اسكەري وپەراسياسى قارقىندى تۇردە بەلەڭ الۋىمەن  عانا ەمەس، ءوزىنىڭ ماقساتتارىمەن  دە تاڭقالدىرۋدا. جاۋابى جوق كوپتەگەن سۇراقتارعا ەو-داعى رەسەي وكىلى ۆلاديمير چيجوۆ جاۋاپ بەردى.

ەۆرونيۋس: رەسەيدىڭ سيرياعا قاتىستى ماقساتى قانداي؟

ۆلاديمير چيجوۆ: مۇنى وزگەلەر قالاي اتاسا دا رەسەي يليم مەن دا’ەش تاراپىنان بولعان تەرروريستىك قاۋىپتەرگە قارسى كۇرەسكە قاتىسۋعا نيەتتى ەكەنىن ايتقان بولاتىن.  رەسەي سيرياعا جاي عانا كومەك كورسەتىپ جاتقان جوق. تەرروريستەر قۇرامىندا رەسەي جانە وزگە تمد مەملەكەتتەرىنىڭ 2 مىڭعا جۋىق ازاماتى بار. ءبىز ول ادامداردىڭ جەڭىسكە جەتىپ، وتانىنا ورالعانىن قالامايمىز.

ەن: سيريالىق قاقتىعىستىڭ جالعاسىپ جاتقانىنا ءتورت جىلعا جۋىق ۋاقىت بولدى. نەگە ءدال ءقازىر كۇرەسكە قاتىسۋ تۋرالى شەشىم قابىلداندى؟

ۆچ: سيرياداعى جاعداي سيريانىڭ ءوزى ءۇشىن عانا ەمەس، جالپى قيىر شىعىس ايماعى ءۇشىن ءقاۋىپتى بولا باستادى. ءبىز حالىقارالىق قۇقىققا سايكەس ىسكە ارالاسۋىمىز كەرەك دەپ شەشتىك.

ەن: ءبىراق وپەراسيا ماسشتابى تاڭداي قاقتىرادى. رەسەي تاراپىنان 20 شابۋىلداۋشى ۇشاق، تانكتەر، برونەترانسپورتەرلار جانە وزگە دە زاماناۋي اسكەري جابدىقتار قاتىسۋدا. بۇل سوندا ءۇشىنشى دۇنيەجۇزىلىك سوعىس پا؟

ۆچ: جوق، سيرياداعى جاعدايدى ءۇشىنشى دۇنيەجۇزىلىك سوعىس دەۋدەن اۋلاقپىن. رەسەيدىڭ اتالمىش ايماقتاعى اسكەري قۇرالدارى وزگە قاتىسۋشى ەلدەردىڭ قارۋىمەن سالىستىرعاندا تۇك ەمەس.

ەن: الدە رەسەي قيىر شىعىستان پلاسدارمعا يە بولعىسى كەلە مە؟

ۆچ: بۇل وزگە ەلگە شابۋىل جاساۋعا دايارلىق جۇرگىزەتىن ايماق قۇرۋ تۋرالى ماسەلە ەمەس. ارينە، ءبىزدىڭ قيىر شىعىستا تەك ديپلوماتيالىق جانە ساياسي ماقساتتا بولاتىنىمىز داۋسىز. ءبىراق، اسكەري قاجەتتىلىك تۋاتىن جاعدايدا حالىقارالىق قۇقىق نەگىزىندە ىسكە كىرىسەمىز.

ەن: دەمەك، وپەراسيا اياقتالعان مەزەتتە سيريادان كەتەسىزدەر مە؟

ۆچ: بۇل وپەراسيانىڭ قانشا ۋاقىتقا سوزىلاتىنىن مەن بىلمەيمىن. دەگەنمەن، اتالمىش ايماقتىڭ رەسەي اسكەرىنە قاجەتتىلىگى جوعالعان جاعدايدا، ءبىز اسكەري بيۋدجەتتى قولدانۋدىڭ باسقا جولىن تابامىز.

ەن: بۇل قاجەتتىلىك قانداي جاعدايدا جوعالۋى مۇمكىن؟

ۆچ: تەرروريستىك قاۋىپ-قاتەر جويىلىپ، زاماندا بەيبىتشىلىك پەن تۇراقتىلىق ورناعاندا عانا!

ەن: باتىس باق-تارىندا رەسەيدىڭ يليم-گە ەمەس، باشارا ءال-اسادتىڭ بيلىگىنە قارسى شىققان كوتەرىلىسشى توپتارعا شابۋىل جاساپ جاتقانى تۋرالى جازىلۋدا…

ۆچ: رەسەيلىك اسكەر يليم جانە يليم-مەن بايلانىستى دجاب ءال-نۇسرا ىسپەتتى تەرروريستىك توپتارعا قارسى سوققى جاساۋدا.

ەن: سيرياداعى ءوز ارەكەتتەرىڭىزدى، فرانسيانى قوسپاعانننىڭ وزىندە، اقش اسكەري وپەراسيالارمەن قالاي سايكەستەندىرىپ وتىراسىزدار؟..

ۆچ: ءبىز ءبىر-بىرىمىزدى اقپاراتتاندىرامىز.

ەن: سيرياداعى سوعىستى توقتاتۋ ءۇشىن ساياسي پروسەسس باستاپ ۇلگەردىڭىزدەر مە؟

ۆچ: شىن مانىندە، بۇل سيريالىق ساياسي پروسەسس بولۋعا مىندەتتى. بۇل تۋرالى 2012 جىلدىڭ قاڭتار ايىندا ءىرى دەرجاۆالار ءوزارا كەلىسكەن بولاتىن. ءبىز دەلدال ءرولىن اتقارمايمىز. بىر-بىرىمەن تىكەلەي بايلانىسقا شىعۋعا كومەكتەسەتىن الاڭمەن قامتاماسىز ەتەمىز.

دەرەككوز: euronews.com

نازگۇل نازار