قىرعىزستانداعى بيىلعى پارلامەنت سايلاۋىنا 120 دەپۋتاتتىق كرەسلوعا 14 پارتيادان 2،5 مىڭعا جۋىق ۇمىتكەر تالاسۋدا. جالپى سايلاۋ ۋچاسكەلەرىنىڭ سانى- 2374 بولعانىمەن، بىشكەك جانە وش قالالارىندا قوسىمشا 46 ۋچاسكە اشىلعان. داۋىس بەرۋشىلەردىڭ قورىتىندى سانى 2 ملن 761 مىڭ 297 ادامدى قۇراعان. بۇل تۋرالى «قامشى» پورتالى حابارلايدى.

ال، قىرعىستاننىڭ جوگوركۋ كەنەشىنە سايلاناتىن دەپۋتاتتاردىڭ قورىتىندىسى 24-قازان كۇنى (20 كۇننەن كەشىكپەيدى) بەلگىلى بولادى.

سايلاۋدىڭ قازىرگى ناتيجەلەرى بويىنشا بيلىك باسىنداعى پارتيا قىرعىز سايلاۋىندا كوش باستاپ تۇر.

قازىرگى تاڭدا التى بىردەي پارتيا سايلاۋداعى ءتيىستى ناتيجەلەرىنە قول جەتكىزگەن.

اتاپ ايتار بولساق، پرەزيدەنتتىك سوسيال-دەموكراتيالىق پارتيا – 27،45 پايىزعا يە بولسا، وپپوزيسيالىق «رەسپۋبليكا-اتا جۇرت» پارتياسى-20، 13 پايىز داۋىس جيناعان. ال «قىرعىزستان» پارتياسى 12،81 پايىزدى، «ونگۋۋ-پروگرەسس» پارتياسى – 9،29 پايىز، «بير-بول» پارتياسى – 8،44 جانە «اتا-مەكەن» پارتياسى – 7،74 پايىز مەجەلى داۋىستى جيناعان.

قازىرگى تاڭدا پارلامەنت سايلاۋىنا تۇرعىنداردىڭ 1،5 ميلليونعا جۋىعى داۋىس بەرگەن. بۇل داۋىس بەرۋشىلەردىڭ 60 پايىزىن قۇرايدى.