كەلەسى جىلدىڭ 1 قاڭتارىنان باستاپ، ەلىمىزدە رەزەڭكە وق اتاتىن گازدى-تراۆماتيكالىق جانە تراۆماتيكالىق قارۋعا تىيىم سالىنادى. بۇل تۋرالى «قامشى» پورتالى NUR.KZ-كە سىلتەمە جاساي وتىرىپ حابارلايدى.
تىيىم سالىنعان قارۋدى وتكىزبەگەندەر تىركەۋ مەن رۇقسات قاعازدىڭ بارىنا قاراماستان، قىلمىستىق جاۋاپكەرشىلىككە تارتىلادى.
تراۆماتيكالىق قارۋلاردى ساتىپ الۋ اكسياسى وسى جىلدىڭ باسىندا باستالعان بولاتىن. قۇقىق قورعاۋ ورگاندارىنا ءوز ەركىمەن تاپسىرىلعان ءار قارۋعا مەملەكەتتەن سىياقى رەتىندە بەرىلەتىن اقشانىڭ سوماسى 30 مىڭ تەڭگەدەن 150 مىڭ تەڭگەگە دەيىن جەتكەن.
ءوزىن قورعانۋ ءۇشىن رۇقسات ەتىلگەن قارۋلار اراسىندا ەندى تەك گازبەن اتاتىن گازدى تاپانشالار مەن ەلەكتروشوكەرلەر عانا بار.
ولاردى ساتىپ الۋ ءۇشىن ىشكى ىستەر ورگانىنان رۇقسات الۋ قاجەت.
پىكىر قالدىرۋ