بەيبىتشىلىك سالاسىنداعى نوبەل سىيلىعىن الەم ساياساتكەرلەرىنىڭ ىشىندە گەرمانيا كانسلەرى انگەلا مەركەلدىڭ الۋ مۇمكىندىگى مول، دەپ جازادى شەتەلدىك بۇقارالىق اقپارات قۇرالدارى.
بۇل تۋرالى «قامشى» پورتالى Total.kz-كە سىلتەمە جاساي وتىرىپ حابارلايدى.
نورۆەگياداعى الەمدىك ماسەلەلەردى زەرتتەۋ ينستيتۋتىنىڭ ديرەكتورى كريستيان بەرگ حارۆيكەننىڭ ايتۋىنشا، نەمىس كانسلەرى ۋكرايناداعى داعدارىس پەن بوسقىندار ماسەلەسى كەزىندە بەلسەندىلىك تانىتىپ، وزىنە ۇلكەن جاۋاپكەرشىلىك العان.
«ول ناقتى ءارى قيىن پىكىرتالاستاردان قورىقپايدى. ءبىز ونىڭ وسى جۇلدەگە ۇمىتكەر بولىپ، كەيىن ۇتىپ شىعاتىنىنا سەنىمدىمىز»، – دەيدى حارۆيكەن.
ايتا كەتەيىك، بەيبىتشىلىك سالاسىنداعى نوبەل سىيلىعىنا قازاقستان پرەزيدەنتى نۇرسۇلتان نازاربايەۆ التى مارتە ۇسىنىلعانىمەن بۇكىلالەمدىك بۇل سىيلىق قازاق كوشباسشىسىنا بۇيىرماعان بولاتىن.
بۇل سىيلىقتى وسىنىڭ الدىندا اقش پرەزيدەنتى باراك وباما العان.
نوبەل سىيلىعىن تابىستاۋ ءراسىمى ءداستۇر بويىنشا 10 جەلتوقسان كۇنى وتەدى. ءدال وسى كۇنى الفرەد نوبەل ومىردەن وتكەن بولاتىن.
پىكىر قالدىرۋ