پاۆلوداردا وبلىس اكىمى قانات بوزىمبايەۆتان اقشا بوپسالاۋ ءىسى بويىنشا سوتتا الدىن الا تىڭداۋ باستالعان. ال، زارداپ شەگۋشى اكىم قانات بوزىمبايەۆتىڭ ءوزى سوت تىڭداۋىنا كەلمەگەن. بۇل تۋرالى «قامشى» پورتالى  Today.kz-كە سىلتەمە جاساي وتىرىپ حابارلايدى. اسقار باحرالينوۆ، ياروسلاۆ گولىشكين، نۇرجان سۇلەيمەنوۆ جانە فارحات الياسوۆقا قاتىستى قىلمىستىق ءىس سوتقا وسى جىلدىڭ 28 قىركۇيەگىندە تۇسكەن بولاتىن.. تورتەۋى دە اسا ءىرى كولەمدەگى قارجىنى الدىن الا كەلىسىپ، بوپسالاۋ مەن اۋىر ىسكە كامەلەتكە تولماعان تۇلعانى تارتۋ بويىنشا ايىپتالۋدا.

سونىمەن بىرگە، اسقار باحرالينوۆ "تەروريزم تۋرالى جالعان حابارلاما بەرۋدى ۇيىمداستىرۋ"، فارحات الياسوۆ وق ءدارىنى زاڭسىز ساتىپ الۋ مەن ساقتاۋ جانە ەسىرتكى زاتىن زاڭسىز ساتىپ الۋ، ساقتاۋ مەن ساتۋ ماقساتىنسىز تاسىمالداۋ ايىپتارى تاعىلعان.

سوتتىڭ الدىن الا تىڭداۋىنا قانات بوزىمبايەۆتىڭ اتىنان استانالىق قورعاۋشى تاتيانا شينكورەنكو كەلگەن.

ۋتبانوۆا پەن كوۆلياگينانىڭ سۇرانىستارى قاناعاتاندىرىلماعان. مەملەكەتتىك ايىپتاۋشى راديمحان دۋبايەۆا مۇنى شاعىمدار باستى سوت وتىرىسىندا بەرىلۋ كەرەكتىگىمەن ءتۇسىندىردى.

سۇلەيمەنوۆتىڭ قورعاۋشىلارى سوتتىڭ جابىق تۇردە ءوتۋىن سۇراۋدا، مۇنى ونىڭ قاۋىپسىزدىگىمەن بايلانىستىرعان.

ايتا كەتەيىك، وبلىس اكىمى قانات بوزىمبايەۆتان اقشا بوپسالاۋ ىسىمەن ۇقك قىزمەتكەرلەرى اينالىسقان.

تەرگەۋ بارىسىندا وسى جىلدىڭ مامىر ايىندا كۋاگەردەن كۇدىكتىگە اينالعان جەرگىلىكتى «ۆەرسيا» اپتالىعىنىڭ رەداكتورى ياروسلاۆ گولىشكين قاماۋعا الىندى.

كەيىن پوليسيا اكىمنىڭ ورىنباسارى اسقار باحرالينوۆتىڭ ۇيىنە ءتىنتۋ جاساپ، ونى دا قاماۋعا الدى. پوليسيانىڭ بۇرىنعى قىزمەتكەرى الياسوۆ ءۇي قاماعىندا بولدى.