ق ر ۇلتتىق بانكى تەڭگە باعامىن قولداۋعا 54،5 ميلليون دوللار ءبولدى. بۇل تۋرالى «قامشى» پورتالى Tengrinews.kz-كە سىلتەمە جاساي وتىرىپ حابارلايدى.

ق ر ۇلتتىق بانكى باسپا ءسوز قىزمەتىنىڭ مالىمدەۋىنشە،  5 قازاندا ۇلتتىق بانك 54،5 ميلليون دوللارعا ينتەرۆەنسيا جۇرگىزگەن. ايتا كەتەيىك، ءدال وسىنداي ماقساتتا 2 قازان كۇنى ۇلتتىق بانك 106،5 ميلليون دوللارعا كەزەكتى رەت ينتەرۆەنسيا جۇرگىزىلگەن بولاتىن.

ال، تەڭگەنى ەركىن اينالىمعا جىبەرگەننەن كەيىن  تەڭگە باعامىن قولداۋ كورسەتۋ تۋرالى شەشىم 16 قىركۇيەكتە قابىلدانعان بولاتىن. ول كەزدە ۇلتتىق بانك نارىقتا الىپساتارلىقتىڭ بولىپ جاتقانىن حابارلادى، سول كۇنى دوللاردىڭ باعامى 300 تەڭگەگە جەتتى.

سول كەزدەن بەرى شەتەلدىك ۆاليۋتانىڭ باعاسى 270 تەڭگەگە دەيىن تومەندەدى. بۇل باعام ءالى كۇنگە ساقتالىپ تۇر. ساراپشىلاردىڭ ايتۋلارىنا قاراعاندا، ۇلتتىق بانكتىڭ ۇلتتىق ۆاليۋتا باعامىنا قولداۋ كورسەتۋگە جاساپ جاتقان شارالارىنىڭ ارقاسىندا بۇل باعا ءالى ۇزاق ساقتالۋى مۇمكىن.

 «قامشى» سىلتەيدى