قفف-نىڭ ماڭىنان اشىلعان «قازاقستان فۋتبولىنىڭ ارداگەرلەرى» قوعامدىق قورىنىڭ پرەزيدەنتى دياس وماروۆتىڭ ويىنشا، ايسۇلتان نازاربايەۆقا وتاندىق فۋتبولدىڭ باسشىسى بولۋعا ءالى ەرتە دەگەن. بۇل تۋرالى قامشى پورتالى  pavlodarnews.kz-كە سىلتەمە جاساي وتىرىپ حابارلايدى.

قازاقستاندىق تانىمال كوممەنتاتوردىڭ پىكىرىنشە، سپورتتىڭ بۇل ءتۇرىنىڭ قيىندىقتارى وتە كوپ، ال ايسۇلتان نازاربايەۆ ءۇشىن جاستىق شاعىندا مۇنداي كۇردەلى ماسەلەلەردى شەشۋ وڭايعا سوقپايدى.

“مەن ونى تولىقتاي تانىمايمىن، ءبىراق، مەنىڭشە، ول ءالى جاس. مۇنداي جاستا فەدەراسيا باسشىلىعىندا وتىرعان ايسۇلتاندى ەلەستەتە دە المايمىن. ءيا، ول جاستار قۇراماسىندا فۋتبول وينادى. الايدا باسشىلىققا ءوتۋ ءۇشىن بۇل تاجىريبە ازدىق ەتەدى”، – دەدى وماروۆ.

سونداي-اق «قازاقستان فۋتبولىنىڭ ارداگەرلەرى» قق-نىڭ جەتەكشىسى جاس كانديداتتى ۋەفا پرەزيدەنتى ميشەل پلاتينيمەن سالىستىردى.

“ءوز كەزەگىندە فرانسۋز ازاماتى پرەزيدەنتتىك تاققا وتىرماس بۇرىن كوپ جىلدار بويى ۋەفا جانە فيفا كوميتەتتەرىندە قىزمەت ەتتى. تەك سودان كەيىن عانا باسشىلىققا تاعايىندالدى، – دەپ اتاپ ءوتتى ول.

ەستەرىڭىزگە سالا كەتسەك، ەلباسىنىڭ نەمەرەسى قفف-نىڭ پرەزيدەنتتىگىنە كەزەكتەن تىس سايلاۋ وتكىزۋ تۋرالى ۇسىنىس تاستاعان بولاتىن. ال ۇمىتكەردەردىڭ ءبىرى رەتىندە ءوزىن تانىستىردى.