7 اقپاندا وبلىس اكىمى نۇرلان نوعايەۆتىڭ توراعالىعىمەن وتكەن اپپارات جيىنىندا وڭىردەگى الەۋمەتتىك ماڭىزى بار ازىق-تۇلىك تاۋارلارى باعاسىنىڭ ءوسۋىن باقىلاۋ ماسەلەلەرى تالقىلاندى، - دەپ حابارلايدى ماڭعىستاۋ وبلىسى اكىمىنىڭ باسپا ءسوز قىزمەتى.

جيىن بارىسىندا ماڭعىستاۋ وبلىسىنىڭ كاسىپكەرلىك جانە ساۋدا باسقارماسىنىڭ باسشىسى جاننا توقبايەۆا ازىق-تۇلىك باعاسىن تۇراقتاندىرۋ بويىنشا اتقارىلىپ جاتقان جۇمىستارعا توقتالدى.

رەسمي مالىمەتتەرگە سايكەس، 2022 جىلى الەۋمەتتىك ماڭىزى بار ازىق-تۇلىك تاۋارلارىنىڭ باعا يندەكسى 124،8%-دى، ال رەسپۋبليكا بويىنشا 122،7%-دى كورسەتتى.

2022 جىلى باعانىڭ كوتەرىلۋىنە گەوساياسي جاعدايلار، كورشى ەلدەردىڭ ازىق-تۇلىك ونىمدەرىن ەكسپورتقا ۋاقىتشا شەكتەۋ قويۋى، لوگيستيكالىق وزگەرىستەر جانە تاعى باسقا دا ماسەلەلەر سەبەپ بولعان.

جاننا توقبايەۆانىڭ ايتۋىنشا، بىلتىر باعانى تۇراقتاندىرۋ بويىنشا ءبىرقاتار شارا قولعا الىنعان. «اينالىم مەحانيزمى» بويىنشا 9 ءتۇرلى ازىق-تۇلىكتىڭ ءونىمىن جەتكىزۋگە 738،4 ملن. تەڭگەگە تومەن پايىزبەن قارىز بەرىلدى.

– اپتاسىنا ەكى رەت باعا بەلگىلەۋ تىزبەگىنىڭ دەلدالدىق سحەمالارىن تەرگەپ-تەكسەرۋ جونىندەگى وڭىرلىك كوميسسيانىڭ وتىرىسى وتكىزىلدى. الەۋمەتتىك ماڭىزى بار ازىق-تۇلىك تاۋارلارىنىڭ ۇستەمەاقىسىن 15%-دان اسىرعانى ءۇشىن 20 كاسىپكەرلىك سۋبەكتى يەلەرىنە اكىمشىلىك حاتتاما تولتىرىلدى. قازىرگى تاڭدا الەۋمەتتىك ماڭىزى بار تاۋارلاردى بەلگىلەنگەن باعامەن ساتۋعا 10 كاسىپكەرلىك سۋبەكتىسىنە 8 ءتۇرلى ازىق-تۇلىكتىڭ 3816،2 تونناسىن وندىرۋگە نەمەسە جەتكىزۋگە كەلىسىم-شارت جاسالدى، - دەدى جاننا توقبايەۆا.

وبلىس اكىمى نۇرلان نوعايەۆتىڭ ايتۋىنشا، تاۋاردىڭ وڭىرگە كەلگەنىنەن باستاپ، تۇتىنۋشىعا جەتكىزۋدىڭ بارلىق تىزبەگى بويىنشا باقىلاۋ جۇرگىزىلۋى كەرەك.

جيىن قورىتىندىسى بويىنشا ايماق باسشىسى جاۋاپتى تۇلعالارعا ءبىرقاتار ناقتى تاپسىرما بەردى.