جيىندا 60 پايىزى توزعان اۆتوبۋس پاركىن جاڭارتۋ ماسەلەسى ءسوز بولدى. وسى ورايدا وبلىس ورتالىعى مەن اۋداندارعا قاتىنايتىن 120 اۆتوبۋس ساتىپ الۋ جوسپارلانۋدا.

وبلىستاعى جولاۋشىلار تاسىمالىن ءقاۋىپسىز، قولايلى ءارى ساپالى ەتۋ ماقساتىندا «كاسپيي» اكك» اق» وتاندىق جاڭا اۆتوبۋستاردى ساتىپ الۋدى ۇسىنىپ وتىر. ەگەر اۆتوبۋس پاركى جاڭارتىلسا، وبلىستا 460 جاڭا جۇمىس ورنى اشىلادى.

وبلىس اكىمى نۇرلان نوعايەۆ اۆتوبۋس پاركىنىڭ جاڭارتىلۋى تۇرعىندارعا جايلى جاعداي جاساپ قانا قويماي، ەلىمىزدىڭ ماشينا جاساۋ سالاسىن دامىتۋعا دا سەپتىگىن تيگىزەتىنىن اتاپ ءوتتى.

– قوعامدىق كولىك قىزمەتىنىڭ ساپاسىن ارتتىرۋ – كۇن تارتىبىندەگى وزەكتى ماسەلەلەردىڭ ءبىرى. تۇرعىندار تاسىمالداۋشىلاردىڭ جۇمىسىنا ءجيى شاعىمدانادى. سوندىقتان وبلىستىڭ بارلىق اۋدانىنا قوعامدىق كولىك ساتىپ الۋ ماسەلەسىن قاراستىرۋ قاجەت. اۆتوبۋستار اۋىل اراسىندا ۇلكەن سۇرانىسقا يە بولاتىنىنا سەنىمدىمىن، – دەدى نۇرلان نوعايەۆ.

وتاندىق وندىرىستەگى اۆتوبۋستار قاراعاندى وبلىسىندا قۇراستىرىلادى. ەكولوگيالىق تازا ءونىم، مەتانمەن جۇمىس ىستەيدى.

اۋداندارالىق «اقتاۋ-باتىر2-اقتاۋ»، «اقتاۋ-جەتىباي-اقتاۋ»، اقتاۋ-قۇرىق-اقتاۋ» جانە «اقتاۋ-تاۋشىق-اقتاۋ» باعىتتارىنا، مۇنايلى اۋدانىشىلىك «ماڭعىستاۋ-باتىر-ماڭعىستاۋ» جانە «ماڭعىستاۋ - باياندى- ماڭعىستاۋ» باعىتتارىنا اۆتوبۋس شىعارۋ جوسپارلانۋدا. سونىمەن قاتار اقتاۋ قالالىق №1، №6، №9 جاڭادان تۇراقتى مارشرۋتتار اشۋ جوسپارلانۋدا. ودان بولەك جوبادا اقتاۋ-بەينەۋ-اقتاۋ، اقتاۋ-جاڭاوزەن-اقتاۋ باعىتتارىن جاڭا قوعامدىق كولىكپەن قامتاماسىز ەتۋ قاراستىرىلعان.