«AMANAT» رەسپۋبليكالىق سايلاۋالدى شتابىنىڭ مۇشەلەرى قوستاناي وبلىسىنىڭ ارقالىق قالاسىندا سايلاۋشىلارىمەن ءبىرقاتار كەزدەسۋ وتكىزدى.

الدىمەن قالا جۇرتشىلىعىمەن كەزدەسۋ ءوتىپ، وعان 300-دەن استام ادام قاتىستى. شتاب مۇشەلەرى پارتيانىڭ سايلاۋالدى باعدارلاماسىنداعى وڭىرلەردە الەۋمەتتىك جانە كوممۋنالدىق ينفراقۇرىلىمدى دامىتۋعا باعىتتالعان نەگىزگى باسىمدىقتار تۋرالى ايتتى.

«ەل اۋماعىنداعى مونوقالالاردىڭ پروبلەمالارى بىر-بىرىنە ۇقساس. حالىق كوشىپ جاتىر، ينجەنەرلىك جەلىلەر مەن جولداردىڭ توزىعى جەتكەن. ءبىلىم جانە مەديسينا سالالارىندا دا شەشىلمەگەن ماسەلەلەر بار. ازاماتتاردىڭ ۇسىنىس-پىكىرىنىڭ نەگىزىندە پارتيا ءاربىر ءوڭىر ءۇشىن جەكە سايلاۋالدى باعدارلاما ازىرلەدى. وندا جول ساپاسىن جاقسارتۋعا، الەۋمەتتىك ينفراقۇرىلىمدى دامىتۋعا، ينتەرنەتپەن قامتاماسىز ەتۋگە باعىتتالعان جانە باسقا دا جۇيەلى شارالار قامتىلدى»، - دەپ اتاپ ءوتتى «AMANAT» ءتوراعاسى ەرلان قوشانوۆ.

ول ارقالىقتى دامىتۋ ماقساتىندا ۇكىمەت كەشەندى جوسپار ازىرلەگەنىن جانە پارتيا قالا تۇرعىندارىمەن بىرلەسىپ ونىڭ ىسكە اسىرىلۋىنا قوعامدىق باقىلاۋدى قامتاماسىز ەتۋى ءتيىس ەكەنىن اتاپ ءوتتى.

بۇدان سوڭ شتاب مۇشەلەرى ارقالىق جىلۋ ەنەرگەتيكالىق كومپانياسىنىڭ ەڭبەك ۇجىمىمەن كەزدەسىپ، توزىعى جەتكەن كوممۋنالدىق جەلىلەردىڭ جاي-كۇيىن تالقىلادى. 2027 جىلعا دەيىن پارتيا 40 شاقىرىم ەلەكتر جانە سۋ قۇبىرى جەلىلەرىن، سونداي-اق 65 شاقىرىم كارىز جەلىلەرىن قايتا جاڭارتۋدى قامتاماسىز ەتەدى.

جالپى ەلىمىز بويىنشا تكش ينفراقۇرىلىمىن اۋقىمدى جاڭعىرتۋ ىسكە قوسىلادى. ەنەرگەتيكا سالاسىن باسقارۋدى رەفورمالاۋ جالعاسادى. تيىمدىلىك پەن ينۆەستيسيالىق تارتىمدىلىقتى ارتتىرۋ ارقىلى جەلىلەر مەن نىسانداردى ودان ءارى جاڭارتۋعا جول اشۋ جوسپارلانۋدا.

وسى كۇنى شتاب مۇشەلەرى شاعىن جانە ورتا بيزنەس وكىلدەرىمەن دە جۇزدەستى. پارتيالىقتار بيزنەستى جۇرگىزۋ بويىنشا قاراپايىم ەرەجەلەردى قامتاماسىز ەتۋگە كۇش سالاتىنىن اتاپ ءوتتى. 2027 جىلعا دەيىن كەم دەگەندە 15 مىڭ ارتىق رەتتەۋشى كەدەرگى جويىلادى. زاڭناما دەڭگەيىندە ەكونوميكاداعى مونوپوليانى جويۋ جانە ادال باسەكەلەستىكتى دامىتۋ جۇمىسى جۇرگىزىلەدى.

سونداي-اق شتاب مۇشەلەرى قالانى ارالاپ، ارقالىقتىڭ قازىرگى جايىمەن، ونىڭ ىشىندە الەۋمەتتىك نىسانداردى اباتتاندىرۋ جانە سالۋ بارىسىمەن تانىستى.

دايىنداعان: "AMANAT" پارتياسىنىڭ باسپا ءسوز قىزمەتى

تاپسىرىس بەرۋشى: م.ج. وسپانوۆ

"AMANAT" پارتياسىنىڭ سايلاۋ قورى قاراجاتى ەسەبىنەن تولەندى.